அந்த விஷயத்துல சிம்ரன் மாதிரி யாருமே இருக்க முடியாது! புகழ்ந்து தள்ளிய பிரபலம்!

simran [File Image]

Simran : நடனத்தில் சிம்ரன் தான் எப்போதும் சிறந்தவர் என தினேஷ் மாஸ்டர் சமீபத்திய பேட்டி ஒன்றில் தெரிவித்துள்ளார்.

நடிகை சிம்ரன் என்றாலே நம்மளுடைய பலருக்கும் நினைவுக்கு வருவது அவருடைய நடனம் தான். அதன் பிறகு தான் அவருடைய நடிப்பு நம்மளுடைய நியாபகத்திற்கு வரும் அந்த அளவிற்கு பல ஹிட் பாடல்களில் சிம்ரன் நடனம் ஆடி ரசிகர்கள் வெகுவாக கவர்ந்துள்ளார். இதனாலே ரசிகர்கள் மற்றும் சினிமா பிரபலங்கள் எல்லாம் அவருடைய நடனத்தை பார்த்து பாராட்டி பேசுவது உண்டு.

அந்த வகையில், பிரபல நடன இயக்குனர் தினேஷ் மாஸ்டர் சமீபத்திய பேட்டி ஒன்றில் சிம்ரன் பற்றி பேசியுள்ளார். இது குறித்து பேசிய தினேஷ் ” சிம்ரனுடன் எனக்கு முக்கியமாக சொல்லவேண்டும் என்றால் ஆல்தோட்ட பூபதி பாடலில் பணியாற்ற வாய்ப்பு கிடைத்தது. அவரை போல நடனம் ஆட கூடிய நடிகை யாருமே இருக்க முடியாது.

அவர் நடிக்க வந்த ஆரம்ப காலத்தில் இருந்து அவர் கடைசியாக பீக்கில் இருந்த நேரம் மட்டும் இல்லை இப்போது அவரை அவருக்கு இணையாக நடனம் ஆட எந்த நடிகையும் வரவில்லை. எப்போதுமே நடனமாடும் அந்த விஷயத்தில் அவர் தான் டாப்பு. இப்போது நான் பார்த்ததில் அவருக்கு அடுத்த படியாக நல்ல நடனம் ஆடுவது யார் என்று கேட்டால் நான் தமன்னாவை சொல்லுவேன்.

தமன்னா இப்போது நன்றாக நடனம் ஆடி கொண்டு இருக்கிறார். குறிப்பாக ஜெயிலர் படத்தில் இடம்பெற்று இருந்த கவாலா பாடலில் அவருடைய நடனம் என்னை வெகுவாக கவர்ந்தது. ஆனால், என்னை பொறுத்தவரை எப்போதும் சிறந்த நடனம் ஆடும் நடிகை யார் என்று கேட்டால் சிம்ரன் என்று தான் கூறுவேன். சிம்ரனை யாராலும் மிஞ்சவே முடியாது” எனவும் தினேஷ் மாஸ்டர் தெரிவித்துள்ளார்.