மீண்டும் ஷாருக்கான் – அட்லீ படத்தில் இணைந்த நயன்தாரா.! காரணம் ஷாருக் மனைவியாம்.!

ஷாருக்கான் – நயன்தாரா நடித்த காட்சிகளை பார்த்த ஷாருக்கான் மனைவிக்கு அனைத்து காட்சிகளும் பிடித்துவிட்டது. அதனால், அவர் சிபாரிசு செய்ததால், மீண்டும் நயன்தாரா அட்லீ படத்திற்குள் இணைந்துவிட்டாராம்.

தளபதி விஜயை வைத்து தெறி,மெர்சல், பிகில் என மூன்று மெகா ஹிட் படங்களை கொடுத்த இயக்குனர் அட்லீ அடுத்ததாக பாலிவுட் பக்கம் சென்றுள்ளார். அதுவும், பாலிவுட் பாட்ஷா ஷாருக்கானை வைத்து படம் இயக்கி வருகிறார்.

லயன் என பெயரிடப்பட்டுள்ள இந்த திரைப்படத்தின் ஷூட்டிங் தற்போது விறுவிறுப்பாக நடைபெற்று வருகிறது. இந்த படத்தில் நாயகியாக நயன்தாரா ஒப்பந்தம் செய்யப்பட்டு நடித்து வந்தார்.

சில காரணங்களால் ஏற்பட்ட கருத்து வேறுபாடு காரணமாக படத்தில் இருந்து விலகி விட்டார். அதன் பிறகு, ஷாருக்கான் உடன் நயன்தாரா நடித்திருந்த காட்சிகளை பார்த்த ஷாருக்கான் மனைவி கௌரி கான், நயன்தாரா – ஷாருக் கெமிஸ்ட்ரி நன்றாக வந்துள்ளது. மேலும், அவர் புனே ஹிந்தியை சரளமாக பேசுவதால் மற்ற காட்சிகள் எடுக்க எளிதாக இருக்கும் எனவே, மீதம் உள்ள காட்சிகளையும் நயன்தாராவை வைத்தே எடுத்துவிடுங்கள் என படகுவுக்கு சிபாரிசு செய்துள்ளாராம்.

இதனால் படக்குழு மீண்டும் நயன்தாராவை அணுகி அவரை மீண்டும் படத்தில் இணைத்துள்ளதாம். விரைவில் அப்படம் பற்றிய அறிவிப்பு வெளியாகும் என எதிர்பார்க்கப்படுகிறது.