புஷ்பா 2 ஓடிடி ரிலீஸ் எப்போது? மௌனம் கலைத்த தயாரிப்பு நிறுவனம்!

சென்னை : வந்துச்சே வசூல் மழை தான்…வந்துச்சே வசூல் மழை தான்… என்கிற அளவுக்கு புஷ்பா 2 திரைப்படத்தின் வசூலானது நிற்காமல் அமோகமாக சென்று கொண்டு இருக்கிறது. படத்திற்காக செலவு செய்த தொகை என்றால் பட்ஜெட்டுடன் சேர்த்து 500 கோடிக்குள் இருக்கும். ஆனால், படம் வெளியான 14 நாட்களிலே உலகம் முழுவதும் 1508 கோடி வசூல் செய்து தயாரிப்பாளருக்கு பெரிய லாபத்தை கொடுத்துள்ளது.

இன்னும் பல திரையரங்குகளில் வெற்றிகரமாக ஓடிகொண்டும் இருக்கிறது. இருப்பினும் படத்தினை திரையரங்குகளுக்கு சென்று பார்க்காத பலரும் படத்தின் ஓடிடி ரிலீஸ் தேதிக்காக ஆவலுடன் காத்துள்ளனர். கடந்த சில நாட்களுக்கு முன்பு படத்தின் ஓடிடி ரிலீஸ் தேதி பற்றிய ஒரு தகவலும் அதிகாரப்பூர்வமாக வெளியாகாமல் வெறும் தகவலாக வெளியாகியிருந்தது.

அதன்படி, புஷ்பா 2 படம் அடுத்த ஆண்டு ஜனவரி 9-ஆம் தேதி தமிழ், தெலுங்கு, மலையாளம், ஹிந்தி கன்னடம் என பல மொழிகளில் படத்தை வெளியிட படத்தின் ஓடிடி உரிமையை பெற்ற நெட்ப்ளிக்ஸ் நிறுவனம் திட்டமிட்டுள்ளதாகவும் தகவல்கள் வெளியாகியிருந்தது.

இந்த சூழலில், படத்தின் ஓடிடி பற்றிய ரிலீஸ் பற்றிய தகவலை உறுதிப்படுத்தும் வகையில் தயாரிப்பு நிறுவனமான மைத்திரி மூவி மேக்கர்ஸ் நிறுவனம் எக்ஸ் வலைத்தள பக்கத்தில் பதிவு ஒன்றை வெளியிட்டுள்ளது. அதில், புஷ்பா 2 திரைப்படம் குறித்து சில வதந்தியான தகவல்கள் பரவி வருகிறது. இந்த மிகப்பெரிய விடுமுறை சீசனில் மிகப்பெரிய திரைப்படம் என்பதால் திரையரங்குகளில் கண்டு மகிழுங்கள்.

எனவே, திரையரங்குகளில் மக்கள் படத்தை கொண்டாட வேண்டும் என்பதால் 56 நாட்களுக்கு எந்த ஓடிடியிலும் ரிலீஸ் ஆக வாய்ப்புகள் இல்லை” என கூறியுள்ளது. எனவே, புஷ்பா 2 படம் 56 நாட்களுக்கு பிறகு தான் ஓடிடியில் வெளியாகும் என்பது இதன் மூலம் தெரியவந்துள்ளது.