லக்கி பாஸ்கர் ‘டூ’ ப்ளடி பெக்கர்! இந்த வாரம் ஓடிடி ரிலீஸ்..!

சென்னை : நடிகர் துல்கர் சல்மான் நடிப்பில் “லக்கி பாஸ்கர்” திரைப்படம் கடந்த மாதம் தீபாவளியை முன்னிட்டு, 31-ம் தேதி வெளியானது. அன்றைய தினம் தீபாவளி பந்தயத்தில் சிவகார்த்திகேயனின் அமரன் படமும், கவினின் ப்ளடி பெக்கர் படம் மற்றும் ஜெயம் ரவியின் பிரதர் படமும் ஒன்றாக களமிறங்கியது.

படம் வெளியான நாளில் இருந்தே லக்கி பாஸ்கர் திரைப்படம் இணையத்தில் ட்ரெண்டிங்காக இருந்து வருகிறது. இந்த நிலையில், இந்த லக்கி பாஸ்கர் திரைப்படம் இன்று (நவம்பர் 28) Netflix ஓடிடியில் வெளியானது.

அத்துடன் இந்த வாரம் OTT -யில் க்ரைம், திரில்லர், பரபரப்பான வெப் தொடர்கள் மற்றும் மொத்தம் 6 தமிழ் திரைப்படங்களை ரிலீஸாகிறது. இதில், லக்கி பாஸ்கரை தவிர்த்து நாளை நவம்பர் 29, Aha, ZEE5, Disney+ Hotstar , Amazon Prime-களில் வெளியாக இருக்கிறது.

ப்ளடி பெக்கர்

இயக்குனர் நெல்சன் திலீப்குமார் தயாரிப்பில் சிவபாலன் இயக்கிய “ப்ளடி பெக்கர்” திரைப்படம் நாளை (நவம்பர் 29) SunNXT மற்றும் OTTplay Premium ரிலீஸாகிறது. நடிகர் கவின் முக்கிய கதாபாத்திரத்தில் நடித்துள்ள இப்படம் ஒரு பிளாக் காமெடி திரைப்படமாகும்.

பாராசூட்

நடிகர்கள் கிருஷ்ணா, கிஷோர் மற்றும் கனி திரு ஆகியோர் முக்கிய வேடங்களில் நடித்துள்ள பாராசூட் என்ற புதிய தொடரை டிஸ்னி+ ஹாட்ஸ்டாரில் நாளை (நவம்பர் 29) வெளியாகிறது. இந்த தொடருக்கு யுவன் ஷங்கர் ராஜா இசையமைத்துள்ளார். மேலும், நடிகர்கள் பாவா செல்லதுரை, காளி வெங்கட், சரண்யா ஆகியோரும் வரவிருக்கும் தொடரில் முக்கிய வேடங்களில் நடித்துள்ளனர்.

பிரதர்

நடிகர் ஜெயம் ரவி நடித்துள்ள ‘பிரதர்’ திரைப்படம் நாளை (நவம்பர் 29) ZEE5 இல் வெளியிடப்பட உள்ளது. ஜெயம் ரவியுடன் நடிகை பிரியங்கா மோகன் நடித்தள்ள இந்த படம் ஒரு நகைச்சுவை குடும்ப திரைப்படமாகும்.

ஷ்ஷ்ஷ்

‘ஷ்ஷ்ஷ்’ திரைப்படம், இந்தியில் உருவான லஸ்ட் ஸ்டோரீஸ் படத்தின் தமிழ் ரீ-மேக் ஆகும். இந்த படத்தை, ஆஹா தளத்தில் நாளை (நவம்பர் 29) ரிலீஸாகிறது. இந்த படத்தை பிக் பிரிண்ட் பிக்சர்ஸ் மூலம் தயாரித்துள்ள ஐ.பி.கார்த்திகேயன் இயக்குநராக அறிமுகமாகிறார். இது டபுள் மீனிங் கதையை கொண்ட நான்கு குறும்படங்களின் தொகுப்பாக இருக்கும்.

தீபாவளி போனஸ்

நடிகர் விக்ராந்தின் நடிப்பதில் சமீபத்திய வெளியீடு, திரையரங்குகளில் வெளியான ‘தீபாவளி போனஸ்’ இப்போது ஆஹா தமிழில் வெளியாகி இருக்கிறது. இந்தப் படம் கடந்த செவ்வாய்கிழமை ஸ்ட்ரீமிங் தளத்தில் திரையிடப்பட்டது. ஜெயபால் ஜே இயக்கியுள்ள இப்படத்தில் ரித்விகா மற்றும் ஹரிஷ் ஆகியோர் முக்கிய வேடங்களில் நடித்துள்ளனர்.

அந்தகன்

நடிகர் பிரசாந்தின் ‘அந்தகன்’ இப்போது பிரைம் வீடியோவில் வெளியாகியுள்ளது. இந்தப் படம் கடந்த செவ்வாய்கிழமை ஸ்ட்ரீமிங் தளத்தில் திரையிடப்பட்டது. அந்தகன் படத்தில் சிம்ரன் மற்றும் பிரியா ஆனந்த் ஆகியோர் முக்கிய வேடங்களில் நடித்துள்ளனர். கடந்த ஆகஸ்ட் 9 ஆம் தேதி திரையரங்குகளில் வெளியாகி நல்ல வரவேற்பைப் பெற்றது குறிப்பிடத்தக்கது.

This week Releases in OTT 🍿

(1/6)

🌶️ TAMIL
✨ @PrimeVideo#Andhagan#BloodyBeggar

✨ @ZEE5India#Brother

✨ @ahatamil#DeepavaliBonus#Sshhh

✨ @DisneyPlusHS#Parachute

🌶️ TELUGU
✨ @netflix#LuckyBaskhar

✨ @PrimeVideo#AppudoIppudoEppudo

✨ @etvwin#KA#Sandeham pic.twitter.com/XvOHEBDUW0

— Siva Prasanth (@Sivaprasanth5) November 28, 2024