மீண்டும் எம்ஜிஆர் ரசிகராக ‘வாத்தியார்’ கார்த்தி.. கலர்ஃபுல் கம்பேக் வெகு விரைவில்…

karthi Vaa Vaathiyaar Poster [Image source : X/Studio Green ]

வா வாத்தியார்: கார்த்தி பிறந்தநாளை முன்னிட்டு அவர் நடிக்கும் 26வது படமான வா வாத்தியார் திரைப்படத்தின் முதல் போஸ்டர் வெளியாகியுள்ளது.

ப்ருதிவீரனில் அறிமுகமாகி பல தரமான கதைக்களங்களை தேர்வு செய்து தமிழ் சினிமாவில் நல்ல நடிகராக வளம் வருகிறார் நடிகர் கார்த்தி. இவர் இன்று தனது 47வது பிறந்தநாளை கொண்டாடி வருகிறார். அதனை முன்னிட்டு அவர் நடிக்கும் படங்களின் அப்டேட் அடுத்தடுத்து வெளியாகி வருகிறது.

நேற்று 96 பட இயக்குனர் பிரேம் குமார் இயக்கத்தில் கார்த்தி , அரவிந்த்சாமி நடிக்கும் மெய்யழகன் படத்தின் போஸ்டர்கள் வெளியாகி ரசிகர்கள் மத்தியில் நல்ல வரவேற்பபை பெற்றது. பருத்திவீரன், கொம்பன் படங்களுக்கு பிறகு ஓர் அழகான கிராமத்து கதையில் கார்த்தி நடிக்கிறார் என்று அவர் ரசிகர்கள் கொண்டாடி வருகின்றனர். இந்த படத்தை சூர்யா – ஜோதிகா இணைந்து தயாரித்து வருகின்றனர்.

அதனை தொடர்ந்து தற்போது அவரின் அடுத்த பட போஸ்டர் வெளியாகி உள்ளது. நலன் குமாரசாமி இயக்கும் இந்த படத்தை ஸ்டூடியோ க்ரீன் தயாரிக்கிறது. வா வாத்தியார் என படத்திற்கு பெயர் வைக்கப்பட்டு உள்ளது. சந்தோஷ் நாராயணன் இப்படத்துக்கு இசையமைக்கிறார். இப்படத்தில் எம்ஜிஆர் வேடம் அணிந்தவர்கள் பின்னடி இருக்க காவல்துறை உடை போல ஓர் உடை அணிந்து கார்த்தி நிற்பது போல போஸ்டர் உள்ளது.

2016இல் விஜய் சேதுபதி நடித்த காதலும் கடந்து போகும் படத்திற்கு பிறகு நலன் குமாரசாமி இயக்கும் படம் என்பதாலும், கார்த்தி நடித்த கடைசி படமாக ஜப்பான் எதிர்பார்த்த வெற்றியை தரவில்லை என்பதாலும் வா வாத்தியாராக எம்ஜிஆர் ரசிகராக களமிறங்கிய கார்த்தி கம்பேக் கொடுப்பார் என ரசிகர்கள் எதிர்பார்க்கின்றனர். கார்த்தி கடைசியாக ஆயிரத்தில் ஒருவன் படத்தில் எம்ஜிஆர் ரசிகராக நடித்தார் என்பது குறிப்பிடதக்கது.