கமல் திரைக்கதையில் விக்ரம் – விஜய் சேதுபதி.!? இயக்குனரை கேட்டால் ஆடி போய்விடுவீர்கள்.!

கமலின் பட நிறுவனத்திற்கு விக்ரம் – விஜய் சேதுபதி இணைந்து ஒரு படம் இயக்க உள்ளார் எனவும், அந்த படத்தை மாலிக் இயக்குனர் மகேஷ் நாராயணன் இயக்குகிறார் எனவும், இந்த படத்திற்கான திரைக்கதையை கமலே எழுதுகிறார் எனவும் கூறப்படுகிறது.

தற்போது இளம் நடிகர்களுக்கு போட்டியாக மீண்டும் களத்தில் இறங்கி பல சம்பவங்களை செய்ய தயாராகி கொண்டிருக்கிறார் நம்ம உலகநாயகன் கமல்ஹாசன். இவர் நடிப்பில் அடுத்தாக விக்ரம் திரைப்படம் படு வேகமாக தயாராகி வருகிறது.

விக்ரம் படத்தை லோகேஷ் இயக்கி வருகிறார். அடுத்த வருட கோடை விடுமுறைக்கு படம் ரிலீஸ் ஆக உள்ளது. இதற்கடுத்து, மலையாளத்தில் ஃபகத் ஃபாசிலை வைத்து மாலிக் சென்சேஷனல் ஹிட் கொடுத்த இயக்குனர் மகேஷ் நாராயணன் இயக்கத்தில் புதிய படத்தில் நடிப்பார் என கூறப்பட்டது.

அந்த மாலிக் படத்தின் கதையோட்டம் அப்படியே கமலின் நாயகன் போல அமைந்திருக்கும். அதுவும் படத்தின் மேக்கிங்கும், ஃபகத்தின் நடிப்பும் ரசிகர்களை மெய் சிலிர்க்க வைத்திருக்கும். அவரது இயக்கத்தில் கமல் நடிக்கிறார் என்றதுமே ரசிகர்கள் படம் எப்படி வர போகிறதோ என எதிர்நோக்கி காத்திருக்கின்றனர்.

தற்போது வெளியான தகவலின் படி, கமலின் ராஜ் கமல் பிலிம்ஸ் நிறுவனத்திற்கு விக்ரம் – விஜய் சேதுபதி இணைந்து ஒரு படம் நடிக்க உள்ளனர். அந்த படம் தான் இந்த மகேஷ் நாராயணன் திரைப்படம் எனவும், இதில் கதை திரைக்கதையை கமலே எழுதுகிறார் எனவும், கமல் சின்ன கௌரவ தோற்றத்தில் மட்டும் நடிக்கிறார் எனவும் கூறப்பட்டுள்ளது. விரைவில் இதற்கான அறிவிப்பு வெளியாகும் என எதிர்பார்க்கப்படுகிறது.