காமராஜர் பிறந்தநாளில் இரவு பாடசாலை திட்டம்.! விஜயின் அடுத்த அரசியல் நகர்வு.?

Actor Vijay

காமராஜர் பிறந்தநாள் அன்று இரவு பாடசாலை திட்டத்தை நடிகர் விஜய் துவங்க உள்ளதாக தகவல் வெளியாகியுள்ளது. 

நடிகர் விஜயின் சமீபகால நடவடிக்கைகள் அவர் வரும் காலத்தில் வெகு சீக்கிரத்தில் அரசியலில் நேரடியாக களமிறங்க உள்ளார் என்ற தோற்றத்தை ஏற்படுத்துகிறது. ஏற்கனவே விஜய் ரசிகர் மன்றங்களை, மக்கள் இயக்கமாக மாற்றி அதன் மூலம் விழியாகம், விலையில்லா விருந்தாகம் , குருதியகம் என பல்வேறு நலத்திட்டங்களை செயல்படுத்தி வருகிறார்.

அண்மையில் , 234 தொகுதி வாரியாக முதல் மூன்று இடங்களை பிடித்த 10, 12வது வகுப்பு மாணவர்களுக்கு உதவி தொகை, சிறப்பு பரிசு வழங்கினார். அதனை தொடர்ந்து தற்போது தனது பனையூர் மக்கள் இயக்க அலுவலகத்தில் 234 தொகுதி நிர்வாகிகளை சந்தித்து ஆலோசித்து வருகிறார்.

தற்போது வெளியான தகவலின் படி, வரும் ஜூலை 15ஆம் தேதி காமராஜரின் 120வது பிறந்தநாளை முன்னிட்டு அன்று முதல் இலவச இரவு பாடசாலை திட்டம் துவங்க உள்ளார் எனவும் , அதன் மூலம் அனைத்து தொகுதிகளிலும் மாணவர்கள் பயன்பெற ஏற்பாடு செய்ய உள்ளார் எனவும் தகவல்கள் வெளியாகியுள்ளன.