11 Years of Thuppakki [File Image]
வழக்கமான தீபாவளி தினம், தியேட்டரில் வழக்கமாக விஜய் படத்திற்கு இருக்கும் அதே பிரமாண்ட ஓப்பனிங், முந்தைய ‘நண்பன்’ பட சூப்பர் ஹிட் என்ற தெம்புடன் கூட்டம் சற்று அதிகமாகவே இருக்கிறது. முதல் நாள் காட்சி வெளியான பிறகு திரையரங்கிற்கு சூறாவளி போல மக்கள் படையெடுத்தனர் என்றே கூறலாம்.
அதுவரையில் திரையில் பார்த்த கமர்சியல் ஹீரோ விஜய்க்கு புது அடையாளத்தை கொடுத்து இருந்தார் இயக்குனர் ஏ.ஆர்.முருகதாஸ். இப்படி ஒரு விஜயை தான் தேடிக்கொண்டு இருந்தோம் என தமிழ்த்திரைப்பட ரசிகர்கள் மட்டுமின்றி தமிழகம் தாண்டி பல்வேறு இடஙக்ளில் விஜயை கொண்டாடினர். படம் அதிரி புதிரி ஹிட் அடித்தது.
வெங்கட்பிரபு பார்ட்டியில் கலந்து கொள்ளாத விஜய்! காரணம் என்ன தெரியுமா?
படத்தின் ரிலீஸ் சமயத்தில் படத்தின் தலைப்பு, முதல் போஸ்டரில் விஜய் சுருட்டு பிடித்தபடி இருக்கிறார், இஸ்லாமியர்கள் பற்றி சர்ச்சை காட்சிகள் என பிரச்சனைகளையும் சந்திக்க தவறவில்லை தளபதி விஜயின் துப்பாக்கி திரைப்படம். படத்தலைப்பு பிரச்சனை பேசி முடிக்கப்பட்டு, குறிப்பிட்ட சில காட்சிகள் வெட்டி தூக்கப்பட்டு படம் வெளியாகி இதுவரை இல்லாத அளவுக்கு விஜய் பட வசூல் என பலரும் வாயடைத்து போனார்கள்.
ஸ்லீப்பர் செல் எனும் தீவிரவாத பிரச்னையை படத்தில் சிறப்பான திரைக்கதை மூலம் விறுவிறுப்பாக கூறியிருந்தார் இயக்குனர் ஏ.ஆர்.முருகதாஸ். முருகதாஸின் திரைக்கதை மொழியை திரையில் அவ்வளவு அழகாக காட்சிப்படுத்தி இருந்தார் ஒளிப்பதிவாளர் சந்தோஷ் சிவன். ஆக்சன் காட்சிகளை கூட இவ்வளவு அழகாக எடுக்க முடியுமா என்றபடி காட்சி படுத்தி இருந்தார் சந்தோஷ் சிவன்.
படத்தில் அடுத்த மிக பெரிய பலம் ஹாரிஸ் ஜெயராஜ். படத்தின் பின்னணி இசை இப்போது கேட்டாலும் புல்லரித்து விடும். பாடல்களுக்கு தனி கட்டுரையே எழுதலாம். மேலும் நீண்ட வருடத்திற்கு பிறகு தளபதி விஜயை பாட வைத்து தற்போது லியோ வரை தொடர்வதற்கு முக்கிய காரணம் ஹாரிஸ் ஜெயராஜின் கூகுள் கூகுள் பாடல் தான் என்பது குறிப்பிடத்தக்கது.
அந்த வருடத்தின் முதல் 100 கோடி திரைப்படம் , கேரளாவில் மட்டும் 10 கோடி ரூபாய் வசூல், மொத்தமாக 170 கோடி ரூபாய் வசூல் என வசூல் வேட்டையாடி, அனைத்து தரப்பு ரசிகர்களையும் கவர்ந்துள்ள துப்பாக்கி திரைப்படம் வெளியாகி இன்றோடு 11 ஆண்டுகள் ஆகிறது. அதனை கொண்டாடும் விதமாக பலரும் #11YearsOfThuppakki என எக்ஸ் சமூக வலைதள பக்கத்தில் துப்பாக்கி பட நினைவுகளை பகிர்ந்து வருகின்றனர்.
சென்னை : அதிமுக - பாஜக கூட்டணியை மத்திய அமைச்சரும், பாஜக மூத்த தலைவருமான அமித்ஷா அறிவித்தது தான் அறிவித்தார்.…
திருவள்ளூர் : தமிழ்நாடு முதலமைச்சர் மு.க.ஸ்டாலின் இன்று திருவள்ளூர் மாவட்டத்திற்கு பயணம் மேற்கொண்டு அங்கு நலத்திட்ட உதவிகள் வழங்கும் நிகழ்வில்…
ஏமன் : அமெரிக்க ராணுவம் நேற்று (ஏப்ரல் 17) ஏமனின் ஹொதெய்தா மாகாணத்தில் உள்ள ராஸ் இசா எண்ணெய் துறைமுகத்தின்…
சென்னை : வழக்கு எண் 18/9, ஓநாயும் ஆட்டுக்குட்டியும், மாநகரம், இறுகப்பற்று ஆகிய திரைப்படங்க்ளில் நடித்து தமிழ் சினிமாவில் நல்ல…
சென்னை : இன்று உலகம் முழுக்க கிறிஸ்தவ மதத்தினர் துக்க நாளாக அனுசரிக்கும் புனித வெள்ளி தினம் அனுசரிக்கப்படுகிறது. இன்றைய…
மும்பை : நேற்று (ஏப்ரல் 17) ஐபிஎல் தொடரின் 33வது ஆட்டத்தில் மும்பை இந்தியன்ஸ் (MI) மற்றும் சன்ரைசர்ஸ் ஹைதராபாத்…
