வதந்தியை நம்பும் விஜய் ரசிகர்கள்.!? புத்தாண்டிற்கு ‘பீஸ்ட்’ புது பாடல் வெளியாகுமா?!

வரும் ஜனவரி 1ஆம் தேதி பீஸ்ட் முதல் பாடல் வெளியாகும் என இணையத்தில் தொடர்ந்து தகவல் பரவி வந்தது. ஆனால், அப்படி வெளியாக வாய்ப்புகள் குறைவு என தகவல் வெளிவந்துள்ளது.

தளபதி விஜய் நடிப்பில் படுவேகமாக வளர்ந்து வரும் திரைப்படம் பீஸ்ட். இதன் ஷூட்டிங் 95 சதவீதம் முடிந்துவிட்டது. விஜய், பூஜா ஹெக்டே ஷூட்டிங் முடிந்துவிட்டது. மற்ற நடிகர்களை கொண்டு சில காட்சிகள் மட்டும் படமாக்கப்பட்டு வருகிறதாம். டாக்டர் படத்தை இயக்கிய நெல்சன் தான் பீஸ்ட் படத்தை இயக்கி வருகிறார்.

டார்க் காமெடி, ஆக்சன் படமாக இந்த படம் உருவாவதாக தகவல்கள் வெளியாகி வருகின்றன. இந்த படத்திற்கு அனிருத் இசையமைத்து வருகிறார். இந்த படத்தில் நடிகர் சிவகார்த்திகேயன் ஒரு பாடலை எழுதியுள்ளாராம்.

ஒரு சில நாட்களுக்கு முன்னர், சிவகார்த்திகேயன் பீஸ்ட் ஷூட்டிங் ஸ்பாட்டிற்கு வந்ததாகவும், பாடல் ப்ரோமோவுக்கு வீடியோ எடுக்கப்பட்டதாகவும் தகவல் கசிந்தது. மேலும், இந்த ப்ரோமோ வீடியோ அல்லது முதல் பாடல் ஜனவரி 1 அன்று வெளியாகும் என கூறப்பட்டது.

ஆனால், உண்மையில், அப்படி எந்த ஒரு விடியோவும் இதுவரை எடுக்கப்படவில்லை, பாடலும் 1ஆம் தேதி வரப்போவதில்லை என தகவல் வெளியாகியுள்ளது. அதனால் அதிகாரபூர்வ தகவல்கள் வெளியாகும் முன்னர் பாடல், ப்ரோமோ வீடியோ என எதிர்பார்த்து ஏமாறாதீர்கள் தளபதி ரசிகர்களே என சினிமாவாசிகள் கூறுகின்றனர்.