மிரட்டல் இசை…’மார்க் ஆண்டனி’ படத்தின் அட்டகாசமான மோஷன் போஸ்டர் இதோ.!

லத்தி திரைப்படத்தை தொடர்ந்து நடிகர் விஷால் அடுத்ததாக மார்க் ஆண்டனி திரைப்படத்தில் நடித்து வருகிறார். இந்த திரைப்படத்தை ஆதிக் ரவிச்சந்திரன் இயக்கி வருகிறார். இந்த படத்தில் விஷாலுக்கு ஜோடியாக நடிகை ரித்து வர்மா நடிக்கிறார். மேலும், எஸ்.ஜே.சூர்யா, சுனில், செல்வராகவன் என பலரும் முக்கியமான கதாபாத்திரத்தில் நடித்து வருகிறார்கள்.

இந்த திரைப்படத்திற்கு இசையமைப்பாளர் ஜிவி பிரகாஷ் இசையமைத்து வருகிறார். இந்த நிலையில், தற்போது படத்திற்கான மோஷன் போஸ்டர் தற்போது வெளியிடப்பட்டுள்ளது. போஸ்டரில் வரும் பின்னணி இசை காண்போரை மெய் சிலிர்க்க வைத்துள்ளது.

அதைபோல் போஸ்டரில் வரும் ஒவ்வொருவோரின் லுக்கும் படத்தின் மீதுள்ள எதிர்பார்ப்பை அதிகப்படுத்தியுள்ளது என்றே கூறலாம். எனவே மோஷன் போஸ்டரை வைத்து பார்க்கையில், படம் கண்டிப்பாக வித்தியாசமான கதைக்களத்தை வைத்து நகரும் என தெரிகிறது.

மேலும், மார்க் ஆண்டனி படத்தின் படப்பிடிப்பு விறு விறுப்பாக நடைபெற்று வந்த சமயத்தில் எதிர்பாராத விதமாக லாரி கட்டுப்பாட்டை இழந்து விபத்துக்கு உள்ளானது. இதனால் படப்பிடிப்பு நிறுத்திவைக்கப்பட்டிருந்த நிலையில், தற்போது மீண்டும் தொடங்கப்பட்டுள்ளது என்பது குறிப்பிடத்தக்கது.