இந்தியன் 2 உடன் மோதுகிறதா வணங்கான்? சூடான லேட்டஸ்ட் அப்டேட்!

vanangaan and indian 2 [file image]

வணங்கான் : கமல்ஹாசன் நடித்துள்ள ‘இந்தியன் 2’ படம் ஜூலை மாதம் வெளியாக இருக்கும் நிலையில், பாலா இயக்கத்தில் உருவாகியுள்ள ‘வணங்கான்’ படமும் வெளியாகவுள்ளதாக தகவல்கள் வெளியாகியுள்ளது.

இயக்குனர் பாலா இயக்கத்தில் நடிகர் அருண் விஜய் நடிப்பில் உருவாகி இருக்கும் திரைப்படம் ‘வணங்கான்’. இந்த திரைப்படத்தில் ரோஷினி பிரகாஷ், மமிதா பைஜு, மிஷ்கின், மிஷ்கின் உள்ளிட்ட பல பிரபலங்கள் முக்கியமான கதாபாத்திரங்களில் நடித்துள்ளார்கள். இந்த திரைப்படத்திற்கு இசையமைப்பாளர் ஜிவி பிரகாஷ் இசையமைத்து வருகிறார்.

ஏற்கனவே, படத்தில் இருந்து பர்ஸ்ட் லுக் போஸ்டர் வெளியாகி படத்தின் மீது இருக்கும் எதிர்பார்ப்பை அதிகப்படுத்தி இருந்த நிலையில், படம் எப்போது வெளியாகும் என்பதற்கான ரிலீஸ் தேதிக்காக தான் ரசிகர்கள் ஆர்வத்து காத்து இருந்தனர். ஆனால், படத்தின் ரிலீஸ் தேதி இதுவரை அறிவிக்கப்படாமல் இருந்த நிலையில், தற்போது அதற்கான தகவல் ஒன்று கிடைத்து இருக்கிறது.

அது என்னவென்றால், வணங்கான் படத்தை வரும் ஜீலை மாதம் ரிலீஸ் செய்ய படக்குழு திட்டமிட்டு இருக்கிறதாம். இன்னும் தேதி முடிவாகவில்லை என்பதால் படத்தின் ரிலீஸ் தேதி குறித்த அறிவிப்பு வெளியாகாமல் இருக்கிறதாம். தேதி முடிவான பிறகு அதிகாரப்பூர்வமாக அறிவிப்பு வெளியாகும் என எதிர்பார்க்கப்படுகிறது.

மேலும், ஏற்கனவே கமல்ஹாசன் நடிப்பில் ஷங்கர் இயக்கத்தில் உருவாகியுள்ள இந்தியன் 2 திரைப்படம் ஜூலை 12-ஆம் தேதி வெளியாகவுள்ளது. இந்த சூழலில், பாலா இயக்கத்தில் உருவாகி இருக்கும் வணங்கான் படமும் ஜூலை மாதம் ரிலீஸ் ஆக இருப்பதால் ஒரு வேலை இரண்டு படமும் ஒரே தினத்தில் வெளியாகுமா என்ற கேள்வியும் எழும்பியுள்ளது.