மறைந்த நடிகர் சிவாஜி கணேசனுக்கு உருக்கமாக பிறந்தநாள் வாழ்த்து தெரிவித்த கமல்ஹாசன்,இளையராஜா!

sivaji ganesan and kamal [File Image]

மறைந்த நடிகர் சிவாஜி கணேசனின் 95-வது பிறந்த நாள் இன்று கொண்டாடப்பட்டு வருகிறது. சிவாஜி கணேசன்  இந்த மண்ணை விட்டு மறைந்தாலும் கூட அவர் நடித்த படங்கள் என்றும் காலத்தால் அழியாதவையாக இருக்கும் என்பதில் எந்த சந்தேகமும் இல்லை.  இதனையடுத்து,  அவருடைய பிறந்த நாளை முன்னிட்டு அவர் நடித்த படங்களின் காட்சிகளை எடுத்து சமூக வலைதளங்களில் வெளியீட்டு பிறந்த நாளை ரசிகர்கள் நினைவு கூர்ந்து வருகிறார்கள்.

மேலும், இசையமைப்பாளர் இளையராஜா, முதலமைச்சர் மு.க.ஸ்டாலின், பாஜக தலைவர் அண்ணாமலை உள்ளிட்ட பலரும் சிவாஜி கணேசனுக்கு பிறந்த நாள் வாழ்த்துக்களை தெரிவித்தனர்.  அந்த வகையில் , நடிகர் கமல்ஹாசன் தனது எக்ஸ் வலைதள பக்கத்தில் பிறந்த நாள் வாழ்த்துக்களை தெரிவித்துள்ளார்.

இது தொடர்பாக அவர் அதில் கூறியதாவது ” பல நூறு மனிதர்களைத் தனக்குள்ளிருந்து எடுத்து உலகத்துக்குத் தந்த ஒற்றை மனிதக் கலைமகன் சிவாஜி கணேசன். அதுவும் நடிப்பாக அல்ல, வாழ்க்கையாகக் கலையை முன்வைத்தவர் அவர் தான்.

உலகின் சிறந்த நடிகர்களுக்கு, தமிழ்நாட்டின் பதில் என்று சொல்லத் தக்கவர், மாபெரும் நடிப்புக் கலைஞர் சிவாஜி கணேசனின் பிறந்தநாள் இன்று. அவரை வாழ்த்துவது நமக்குப் பெருமை” என பதிவிட்டுள்ளார். நடிகர் கமல்ஹாசன் சிவாஜியுடன் அவருக்கு மகனாக தேவர் மகன் திரைப்படத்தில் நடித்திருப்பார்.

1992-ஆம் ஆண்டு வெளியான இந்த ‘தேவர் மகன்’ திரைப்படம் வசூல் ரீதியாகவும் மிக்பெரிய ஹிட் ஆனது.   இந்த திரைப்படம் காலங்கள் கடந்தும் பேசும் படமாக இருக்கிறது. அந்த அளவிற்கு படத்தில் கமல்ஹாசன், சிவாஜி இருவரும் மிகவும் அருமையாக நடித்திருப்பார்கள் என்பது குறிப்பிடத்தக்கது.