சமந்தாவின் “யசோதா” திரைப்படம் எப்படி இருக்கு..? ட்விட்டர் விமர்சனம் இதோ…

நடிகை சமந்தா தமிழில் காத்து வாக்குல ரெண்டு காதல் படத்தின் வெற்றியை தொடர்ந்து அடுத்ததாக இயக்குனர் ஹரி & ஹரிஷ் ஆகியோர் இயக்கத்தில் “யசோதா” எனும் திரைப்படத்தில் நடித்துள்ளார். இந்த படத்தில் உன்னி முகுந்தன், வரலட்சுமி சரத்குமார் உள்ளிட்ட பலர் முக்கியமான கதாபாத்திரத்தில் நடித்துள்ளனர்.

படத்திற்கு மணி சர்மா இசையமைத்துள்ளார். இந்த திரைப்படம் இன்று உலகமுழுவதும் உள்ள திரையரங்குகளில் தமிழ், தெலுங்கு, ஹிந்தி, கன்னடம், மலையாளம் ஆகிய மொழிகளில் பிரமாண்டமாக வெளியானது.

இந்த நிலையில் படத்தை பார்த்துவிட்டு டிவிட்டரில் நெட்டிசன்கள் கூறியுள்ள விமர்சனங்களை பற்றி பார்க்கலாம். படத்தை பார்த்த ஒருவர் ” படத்தில் சமந்தா மற்றும் வரலட்சுமி நடிப்பு மிகவும் அருமையாக இருப்பதாகவும், படத்தில் பாடல்கள் இல்லாதது மிகப்பெரிய பக்க பலமாக இருக்கிறது” என்று பதிவிட்டுள்ளார்.

மற்றோருவர் “படம் மிகவும் அருமையாக இருப்பதாகவும், சமந்தா கேரியரில் நல்ல வெற்றிப்படமாக இருக்கும் எனவும் பதிவிட்டுள்ளார்”. படத்தை பார்த்த மற்றோரு நெட்டிசன் ” படத்தின் முதல் பாதி சூப்பராக இருப்பதாகவும் மணி சர்மாவின் பின்னணி இசை மெய்சிலிர்க்க வைத்துள்ளதாகவும் பதிவிட்டுள்ளார். இந்த படத்திற்கு நல்ல பாசிட்டிவான விமர்சனங்கள் வருவதால் படத்தின் ஓப்பனிங் வசூல் நன்றாக வரும் என தெரிகிறது.