டீ-க்காக வாக்குவாதத்தில் ஈடுபட்ட ஹவுஸ்மேட்ஸ்.. ஆரம்பித்தது “பிக்பாஸ்” தகராறு.! ஷாக்கிங் ப்ரோமோ இதோ..

பிக் பாஸ் 6 -வது சீசன் கடந்த ஞாற்றுக்கிழமை தொடங்கி இரண்டாவது நாளாக விறு விறுப்பாக நடந்து வருகிறது. வழக்கமாக போட்டி தொடங்கினால், முதல் வாரம் பெரிதாக போட்டிகள் கடினமானதாக இல்லாமல் கொஞ்சம் ரிலாக்ஸேசன் இருக்கும். ஆனால், இந்த முறை போட்டி தொடங்கியதுமே கடுமையான விதிமுறைகள் அமலுக்கு வந்துள்ளது.

இதனையடுத்து, இன்று வெளியான இரண்டாவது நாளுக்கான 2-வது ப்ரோமோவில் பிக்பாஸ் வீடு ரணகளமாக காணப்படுகிறது. ஏனெனில் டீ காபி குடிப்பதற்கு கூட சண்டைபோட்டு கொள்கிறார்கள். ப்ரோமோவில் கிச்சன் டீமின் தலைவர் ஷிவின், ஹவுஸ் மேட்களுக்கு கடிந்துக் கொண்டே இரண்டு வேலை தான் டி கிடைக்கும் என்று விளக்கம் கொடுக்கிறார்.

இதையும் படியுங்களேன்- அஜித் என்னோட புள்ள.. அவன மாதிரி குணம் யாருக்குமே இல்ல..பிரபல நடிகர் புகழாரம்.!

பிறகு  அஸீமும், மகேஷ்வரியும் பேச்சுவார்த்தையில் ஈடுபட அஸீம் சற்று கடுப்பாகி நீங்கள் என்ன பிக் பாஸ் மாதிரி பேசுறீங்க ..? என்று கேள்வி கேட்கிறார். பிறகு மகேஷ்வரியும் பேசிக்கொண்டே போக ஷிவின் ஆத்திரம் அடைந்து கத்துகிறார். அந்த ப்ரோமோ வீடியோ தற்போது வைரலாகி வருகிறது.

மேலும் இன்று காலையில் வெளியான ப்ரோமோவில் போட்டியாளர்கள் 4 அணிகளாக பிரிக்கப்பட்டு ஒரு காமெடியான டாஸ்க் கொடுக்கப்பட்டது. அது என்னவென்றால், கிச்சன் டீமில் உள்ள நபர்கள், ஹவுஸ் மேட்ஸ் கேட்டால் உணவை ஊட்டி விட வேண்டும். அதுபோல், பாத்ரூம் டீமில் உள்ளவர்கள், ஹவுஸ் மேட்ஸுக்கு பாத்ரூம் வந்தால் சிகப்பு கம்பளம் விரித்து வரவேற்று கழிப்பறை வரை அவர்களை அழைத்து செல்ல வேண்டும்.

இந்த டாஸ்கில் சிறப்பாக செயல்படும் அணி, சிறந்த அணியாக அறிவிக்கப்படும் என்று குறிப்பிடப்பட்டிருந்தது என்பது குறிப்பிடத்தக்கது. இன்று வெளியான இரண்டு ப்ரோமோக்களில் 1 ப்ரோமோ காமெடியாகவும், மற்றோரு ப்ரோமோ ரணகளமாக இருப்பதால் இன்று பிக் பாஸ் நிகழ்ச்சியை காண அனைவரும் ஆவலுடன் காத்துள்ளனர்.