Kanguva / @kollycorner
கங்குவா : இயக்குனர் சிறுத்தை சிவா இயக்கத்தில் சூர்யா நடிப்பில் பிரமாண்டமாக எடுக்கப்பட்டு வரும் கங்குவா படம் வரும் அக்டோபர் மாதம் 10-ஆம் தேதி பல மொழிகளில் திரையரங்குகளில் வெளியாகவுள்ளது. பிரமாண்ட பட்ஜெட்டில் எடுக்கப்பட்டு இருக்கும் இந்த படத்தினை பார்க்க இந்திய சினிமாவே ஆவலுடன் காத்துள்ளது. படத்தினை இரண்டு பாகங்களாக தயாரிப்பு நிறுவனம் எடுத்து வருகிறது.
இந்நிலையில், கங்குவா படத்தின் மீது மிகப்பெரிய எதிர்பார்ப்புகள் இருக்கும் நிலையில், இந்த படம் வெளியாகும் அதே தினத்தில் ரஜினிகாந்த் நடித்து வரும் வேட்டையன் படம் வெளியாகவுள்ளதாகவும் தகவல்கள் வெளியாகி கொண்டு இருக்கிறது. இருப்பினும், வேட்டையன் பட தயாரிப்பு நிறுவனத்திடம் இருந்து அதிகாரப்பூர்வ அறிவிப்பு வெளியாகவில்லை. இருந்தாலும் கூட இரண்டு படமும் ஒரே தினத்தில் வெளியாவது கிட்டத்தட்ட உறுதி என்றே தகவல்கள் வெளியாகி கொண்டு இருக்கிறது.
இந்த சூழலில் கங்குவா படத்தின் தயாரிப்பாளர் ஞானவேல் ராஜா சமீபத்தில் பேட்டி ஒன்றில் கலந்து கொண்டபோது கங்குவா படத்துடன் வேறு படம் போட்டிக்கு வருகிறதா? என்பது பற்றி பேசியுள்ளார். இது குறித்து பேசிய அவர் ” கங்குவா படத்துடன் வேறு எந்த படம் வருகிறது என்று எனக்கு தெரியவில்லை. ஆனால், சில படங்கள் வரலாம் என்று நான் நினைக்கிறேன்.
நம்மளுடைய கையில் இந்த விஷயத்தில் எதுவும் இல்லை எல்லாமே அந்த படங்களை தயாரிக்கும் தயாரிப்பாளர்கள் கையில் தான் இருக்கிறது. ஆனால், நிச்சியமாக கங்குவா படத்தின் இரண்டாவது பாகம் வெளியாகும் போது எந்த படமும் போட்டிக்கு வராது என்பதை உறுதியாக சொல்வேன்” என ஞானவேல் ராஜா தெரிவித்துள்ளார்.
மேலும் கங்குவா படத்தின் முதல் பாகத்தில் சூர்யாவுடன் பாபி தியோல், ஆராஷ் ஷா, ரெடின் கிங்ஸ்லி, கோவை சரளா, திஷா பதானி, யோகி பாபு, ரவி ராகவேந்திரா, நடராஜன் சுப்ரமணியம், உள்ளிட்ட பல பிரபலங்கள் முக்கியமான கதாபாத்திரங்களில் நடித்துள்ளார்கள். படத்திற்கு இசையமைப்பாளர் தேவி ஸ்ரீ பிரசாத் இசையமைத்து வருகிறார் என்பது குறிப்பிடத்தக்கது.
மும்பை : இன்று மும்பை கடற்கரை பகுதியில் பயணிகளை ஏற்றிச்செல்லும் சுற்றுலா படகு ஒன்று அருகில் உள்ள யானை தீவுகளுக்கு…
சென்னை : கைதி, மாஸ்டர், விக்ரம், லியோ போன்ற மெகா ஹிட் படங்களை இயக்கி வெற்றிப்பட இயக்குனராக வலம் வரும்…
டெல்லி : நாடாளுமன்ற கூட்டத்தொடரில் நேற்று பேசிய மத்திய உள்துறை அமைச்சர் அமித்ஷா, தற்போது அம்பேத்கர் அம்பேத்கர் என பேசுவது…
ஐதராபாத்: ஐதராபாத்தில் புஷ்பா 2 படத்தின் சிறப்பு காட்சியின்போது, நெரிசலில் சிக்கி காயமடைந்த சிறுவனின் உடல்நிலை மோசம் அடைந்து வந்ததாக…
சென்னை : நாடாளுமன்ற குளிர்கால கூட்டத்தொடர் நடைபெற்று வரும் வேளையில் நேற்று (டிசம்பர் 17) மாநிலங்களாவையில் பேசிய மத்திய உள்துறை…
சென்னை: தென்மேற்கு வங்கக்கடல் பகுதிகளில் நிலவிய காற்றழுத்த தாழ்வு பகுதி இன்று ஆழ்ந்த காற்றழுத்த தாழ்வு பகுதியாக வலுப்பெற்று, அதே…
