JigarthandaDoubleX [File Image]
தீபாவளி பண்டிகை என்றாலே பல திரைப்படங்கள் திரையரங்குகளில் வெளியாகும். அந்த வகையில், இந்த ஆண்டு தீபாவளிக்கு கார்த்தி நடிப்பில் உருவாகி வரும் ஜப்பான் திரைப்படம் மற்றும் ராகவா லாரன்ஸ் மற்றும் எஸ்.ஜே. சூர்யா நடித்துள்ள ஜிகர்தண்டா டபுள் எக்ஸ் ஆகிய இரண்டு திரைப்படமும் ஏற்கனவே தீபாவளி அன்று வெளியாகும் என்பது உறுதியாகிவிட்டது.
இந்த நிலையில், ஏற்கனவே தீபாவளி பாண்டியை முன்னிட்டு 2 படங்கள் வெளியாகவிருக்கும் நிலையில், மேலும் ஒரு திரைப்படம் வெளியாக காத்திருக்கிறது. அது என்ன திரைப்படம் என்றால் இயக்குனர் கெளதம் வாசுதேவ் மேனன் இயக்கத்தில் விக்ரம் நடிப்பில் நீண்ட ஆண்டுகளாக வெளியாகாமல் இருக்கும் துருவநட்சத்திரம் படம் தான்.
துருவநட்சத்திரம் படம் ஏற்கனவே இந்த ஆண்டு ஜீலை மாதம் திரையரங்குகளில் வெளியாகும் என அறிவிக்கப்பட்டு இருந்த நிலையில், படத்தின் போஸ்ட் ப்ரொடக்சன் வேலைகள் முடியாத காரணத்தால் ரிலீஸ் தேதி தள்ளி செல்வதாக கூறப்பட்டது. இதனையடுத்து, படத்தின் டப்பிங் வேலைகள் அனைத்தும் முடிவடையும் சூழலில் இருப்பதாக கூறப்படுகிறது.
இதன் காரணமாக துருவநட்சத்திரம் திரைப்படத்தை வரும் தீபாவளி பண்டிகையை முன்னிட்டு வெளியிட படக்குழு திட்டமிட்டுள்ளதாக கூறப்படுகிறது. கிட்டதட்ட இந்த தகவல் உறுதியாகிவிட்டதாகவும் நம்ப தக்க சினிமா வட்டாரத்தில் கூறப்படுகிறது. ஏற்கனவே, தீபாவளிக்கு இரண்டு படங்கள் வெளியாக காத்திருக்கிறது.
அந்த இரண்டு படத்திற்கும் ரசிகர்களுக்கு மத்தியில் மிகப்பெரிய எதிர்பார்ப்புகள் உள்ளது அதிலும் குறிப்பாக ஜிகர்தண்டா டபுள் எக்ஸ் டீசர் வெளியாகி பலத்த வரவேற்பை பெற்று படத்தின் மீதுள்ள எதிர்பார்ப்பை அதிகமாக்கியது. அதைப்போல ஜப்பான் படத்தின் டீசரும் வித்தியாசமாக இருந்த காரணத்தால் அதுவும் பலத்த வரவேற்பைப்பெற்று படத்தின் மீது பெரிய எதிர்பாரை ஏற்படுத்தியது.
இந்த நிலையில், இந்த பெரிய போட்டியில் தற்போது சீயான் விக்ரமும் தன்னுடைய துருவநட்சத்திரம் திரைப்படத்தை வெளியிட திட்டமிட்டுள்ளார். எனவே மூன்று படங்கள் தீபாவளி பண்டிகை முன்னிட்டு வெளியாகவுள்ள காரணத்தால் இந்த படங்களில் எந்த படம் அதிக வசூல் செய்து தீபாவளி வின்னராக ஆகா போகிறது என்பதை பொறுத்திருந்து பார்ப்போம்.
ஜோகன்னஸ்பர்க் : இந்தியா-தென்னாபிரிக்க அணிகளுக்கு இடையேயான டி20 தொடரின் 4-வது மற்றும் கடைசி போட்டியானது இன்று ஜோகன்ஸ்பர்க் மைதானத்தில் நடைபெற்றது.…
கோவை : சூலூர், டி.எம்.நகர், ரங்கநாதபுரம், எம்.ஜி.புதூர், பி.எஸ்.நகர், கண்ணம்பாளையம், காங்கேயம்பாளையம், ராவுத்தூர் காந்திபுரம், சித்தாபுதூர், டாடாபாத், ஆவாரம்பாளையம் பகுதி,…
வேலூர் : தமிழகத்தில் வருகின்ற 2026-ஆம் ஆண்டு சட்டமன்ற தேர்தல் நடைபெறவுள்ள நிலையில், திமுக இப்போதே தங்களுடைய அரசியல் வேலைகளை…
சென்னை : கங்குவா படம் வெளியாகி கலவையான விமர்சனத்தை பெற்று வரும் நிலையில், படம் வெளியான முதல் நாளில் உலகம் முழுவதும்…
கேரளா : ஒவ்வொரு ஆண்டு கார்த்திகை மாதம் தொடங்கிவிட்டது என்றாலே நாடுமுழுவதும் உள்ள மக்களில் பலர் கேரளாவில் உள்ள சபரிமலை…
சென்னை : தமிழக வெற்றி கழகத்தின் தலைவர் விஜய் அரசியல் வருகை குறித்தும் மாநாட்டில் அவர் பேசிய விஷயங்கள் குறித்தும்…
