தமிழுக்கு பை பை… பாலிவுட் பறக்கும் ஜோதிகா.! வெளியான வெறித்தனமான அப்டேட்….

நடிகை ஜோதிகா நீண்ட ஆண்டுகளுக்கு பிறகு இந்தியில் ஒரு திரைப்படம் நடிக்கவுள்ளாராம். 1998-ம் ஆண்டு வெளியான ‘டோலி சஜா கே ரக்கீனா’ என்ற படத்தில் மூலம் இவர் இந்தியில் அறிமுகமானார். அந்த படத்தை தொடர்ந்து தமிழில் மட்டுமே நடிக்க ஆர்வம் காட்டி வந்தார்.

இந்நிலையில், தற்போது நீண்ட ஆண்டுகளுக்கு பிறகு ஜோதிகா மீண்டும் இந்தியில் ரீ-என்ட்ரி கொடுக்கவுள்ளார். ஆந்திராவைச் சேர்ந்த பார்வையற்ற தொழிலதிபரான ஸ்ரீகாந்த் பொல்லாவின் வாழ்க்கை வரலாறு மையாக வைத்து இந்தியில் ஒரு திரைப்படம் உருவாகவுள்ளதாம்.

இதையும் படியுங்களேன்- முதல் முறையிலேயே அட்டர் பிளாப்.! இதில் மீண்டுமா.? ரஜினி பிறந்தநாளில் வேண்டாத வேலை.!

இதில் ராஜ்குமார் ராவ் நாயகனாக நடிக்க, துஷார் ஹிராநந்தினி இயக்குகிறார். இப்படத்தில் ஜோதிகா ஒரு முக்கிய கதாபாத்திரத்தில் ஒப்பந்தமாகியுள்ளதாக தகவல் வெளியாகியுள்ளது. நீண்ட ஆண்டுகளுக்கு பிறகு ஜோதிகா இந்தியில் களமிறங்கியுள்ளதால் ரசிகர்கள் உற்சாகத்தில் உள்ளனர்.

மேலும் நடிகை ஜோதிகா தற்போது மலையாளத்தில் உருவாகி வரும் காதல் திரைப்படத்தில் மம்முட்டிக்கு ஜோடியாக நடித்து வருகிறார். இந்த படத்தின் படப்பிடிப்பு சமீபத்தில் முடிவடைந்தது. விரைவில் ரிலீஸ் தேதி அறிவிக்கப்படும் என தெரிகிறது.