பிக் பாஸ்-க்கு டாட்டா காட்டிய ஆண்டவர்! புதிய தொகுப்பாளர் யார் தெரியுமா?

சென்னை : பிக் பாஸ் நிகழ்ச்சி தொடங்கப்போவது என்றாலே அதனை பார்க்கும் குடும்ப ரசிங்கர்களுக்கு ஒரு பக்கம் மகிழ்ச்சியாக இருந்தாலும் மற்றோரு பக்கம் மீம்ஸ் கிரியேட் செய்பவர்களுக்கு கன்டென்ட் கிடைத்து விடும் என்றே சொல்லலாம். அதற்கு முக்கிய காரணமே நிகழ்ச்சிக்குள் நடக்கும் சர்ச்சை கலந்த காமெடியான சம்பவங்களை உதாரணமாக சொல்லலாம்.

இந்த பிக் பாஸ் நிகழ்ச்சி இந்த அளவுக்கு பிரபலமாக சர்ச்சைகள், காமெடியான விஷயங்கள், மீம்ஸ் வைரலாவது ஒரு பக்கம் இருந்தாலும் மற்றோரு பக்கம் கமல்ஹாசன் இந்த நிகழ்ச்சியை தொகுத்து வழங்கியது மேலும்  நிகழ்ச்சியை பிரபலப்படுத்த உதவியது. இதுவரை 7 சீசன்களை தொகுத்து வழங்கி வந்த கமல்ஹாசன் 8 வது சீசனை தொகுத்து வழங்கவில்லை தற்காலிகமாக விலகி கொள்கிறேன் என்று அறிவித்துவிட்டார்.

ஆண்டவர் இல்லாத பிக் பாஸ் வீடு எப்படி இருக்க போகிறது ? அவருக்கு பதில் எந்த பிரபலம் பிக் பாஸ் நிகழ்ச்சியை தொகுத்து வழங்குவார்? இப்படியான பல கேள்விகள் கமல்ஹாசன் விலகியதை தொடர்ந்து எழும்ப தொடங்கியது. இதனையடுத்து, கமல்ஹாசனுக்கு பதிலாக பிக் பாஸ் நிகழ்ச்சியை லேடி சூப்பர் ஸ்டார் நயன்தாரா தொகுத்து வழங்குவதாக தகவல்கள் வெளியானது.

நயன்தாரா பிக் பாஸ் நிகழ்ச்சியை தொகுத்து வழங்கவுள்ளதாக வெளியான தகவல் வெறும் வதந்தி மட்டும் தான். ஏனென்றால், நயன்தாரா இப்போது தொடர்ச்சியாக படங்களில் நடித்து கொண்டு இருக்கிறார். எனவே, இந்த சூழலில் அவர் பிக் பாஸ் நிகழ்ச்சியை தொகுத்து வழங்க நிச்யமாக வாய்ப்புகள் இல்லை என்று சினிமா வட்டாரத்தில் கிசு கிசுக்கப்பட்டு வருகிறது.

இந்த தகவல் ஒரு புறம் ஓடிக்கொண்டு இருக்க மற்றோரு பக்கம் பிக் பாஸ் நிகழ்ச்சியை சிம்பு தொகுத்து வழங்க இருப்பதாக தகவல்கள் வெளியாகியுள்ளது. சிம்பு ஏற்கனவே, பிக் பாஸ் அல்டிமேட் என்ற நிகழ்ச்சியை தொகுத்து வழங்கி இருக்கிறார். எனவே அவருக்கு நிகழ்ச்சியை தொகுத்து வழங்கிய அனுபவம் இருப்பதால் அவரை பிக் பஸ் 8 நிகழ்ச்சியை தொகுத்து வழங்க வைக்க விஜய் தொலைக்காட்சி திட்டமிட்டு இருப்பதாக தகவல்கள் வெளியாகி இருக்கிறது.

சிம்பு தன்னுடைய படங்களுக்கு கால்ஷீட் கொடுப்பதில் சற்று திணறி வருவதாக ஏற்கனவே ஒரு தகவல் பேசப்பட்டு கொண்டு இருக்கும் நிலையில், மற்றோரு பக்கம் அவர் பிக் பாஸ் நிகழ்ச்சியை தொகுத்து வழங்க இருப்பதாக தகவல்கள் பரவி வருகிறது. பிக் பாஸ் நிகழ்ச்சியை யார் தொகுத்து வழங்குவார் என்பது விஜய் டிவி அறிவித்தால் மட்டுமே தெரியவரும்.