அன்னபூரணி முதல் நாள் வசூல் எவ்வளவு தெரியுமா? நயன்தாராவின் மவுசு குறையவே இல்லை!

annapoorani movie BOX Office [FILE IMAGE]

நடிகை நயன்தாரா நடிப்பில் பெரிய எதிர்பார்ப்புகளுக்கு மத்தியில் வெளியான “அன்னபூரணி”  திரைப்படம் மக்களுக்கு மத்தியில் கலவையான விமர்சனத்தை பெற்று வருகிறது. இந்த படத்தை அறிமுக இயக்குனர் நிலேஷ் கிருஷ்ணா எழுதி இயக்கியுள்ளள்ளார். படத்தை எஸ்.எஸ்.ஸ்டுடியோஸ் மற்றும் ட்ரைடென்ட் ஆர்ட்ஸ் தயாரித்துள்ளளார்கள்.

படத்தில் நடிகை நயன்தாராவுடன் ஜெய், சத்யராஜ், கே.எஸ்.ரவிக்குமார், ரெடின் கிங்ஸ்லி, அச்யுத் குமார், குமாரி சச்சு, ரேணுகா, கார்த்திக் குமார், சுரேஷ் சக்கரவர்த்தி உள்ளிட்ட பலர் முக்கியமான கதாபாத்திரங்களில் நடித்துள்ளனர். ராஜா ராணி படத்திற்கு பிறகு நயன்தாரா ஜெய், சத்யராஜ், கூட்டணி இணைந்துள்ளதாலே இந்த படத்தின் மீது எதிர்பார்ப்பு அதிகமாக இருந்தது என்றே சொல்லலாம்.

படத்துக்கு 10 கோடி விளம்பரத்துக்கு 5 கோடி? அதிர வைக்கும் நயன்தாரா சம்பளம்!

இந்த படத்திற்கு இசையமைப்பாளர் தமன் இசையமைத்துள்ளார். படத்தில் நடிகை நயன்தாரா சமையல் செய்யும் பெண்ணாக நடித்து இருக்கிறார். பெரிதும் எதிர்பார்ப்புகளுக்கு மத்தியில் வெளியான இந்த படம் கலவையான விமர்சனத்தை பெற்று வந்தாலும் வசூல் ரீதியாக படத்திற்கு நல்ல ஓப்பனிங் கிடைத்துள்ளதாக கூறப்படுகிறது.

அதன் படி, இந்த திரைப்படம் உலகம் முழுவதும் மொத்தமாக 1.5 கோடிகளுக்கு மேல் வசூல் செய்துள்ளதாக தகவல்கள் வெளியாகி இருக்கிறது. இந்த திரைப்படம் 14 கோடி பட்ஜெட்டில் எடுக்கப்பட்ட திரைப்படம். இருந்தாலும், விமர்சனம் படத்திற்கு எப்படி கிடைத்தாலும் வசூல் ரீதியாக நல்ல ஓப்பனிங் கிடைத்துள்ள காரணத்தாலும்  வரும் நாட்கள் விடுமுறை நாட்கள் என்பதாலும் படத்தின் வசூல் நாளுக்கு நாள் அதிகரிக்க வாய்ப்புள்ளதாக எதிர்பார்க்கப்படுகிறது.

ஒரு ஹீரோவுக்கு ஜோடியாக நடிக்காமல் நயன்தாரா முதன்மை கதாபாத்திரத்தில் நடித்து ஒரு திரைப்படம் வெளியாகி முதல் நாளில் 1.5 கோடி வசூல் செய்கிறது என்றால் அது சாதாரண விஷயமே இல்லை. இந்த மாதிரி அவருடைய படங்களுக்கு ஓப்பனிங் கிடைக்க முக்கிய காரணம் அவருடைய ரசிகர்கள் தான். நடிக்க வந்து பல ஆண்டுகள் ஆகியும் இன்னும் நயன்தாராவின் மவுசு கொஞ்சம் கூட குறையவே இல்லை. இந்த படத்தை தொடர்ந்து நயன்தாரா அடுத்ததாக மண்ணாங்கட்டி படத்தில் நடித்து வருகிறார் என்பது குறிப்பிடத்தக்கது.