அஜித்துக்கு ஜோடியாகும் பிரபல நடிகை.!? தெறிக்கவிடும் AK61-அப்டேட்.!

வலிமை படத்தின் வெற்றியை தொடர்ந்து அஜித் அடுத்ததாக தனது 61-வது படத்தில் நடிக்கவுள்ளார். இந்த படத்தையும் இயக்குனர் எச்.வினோத் தான் இயக்குகிறார். படத்தை தயாரிப்பாளர் போனிகபூர் தயாரிக்கிறார்.

நேர்கொண்ட பார்வை, வலிமை ஆகிய படங்களை தொடர்ந்து 3-வது முறையாக இந்த கூட்டணி இணைந்துள்ளது. இந்த படத்திற்கு தாற்காலிகமாக “AK61” என்று தலைப்பு வைக்கப்பட்டுள்ளது. இந்த படத்திற்கான படப்பிடிப்பு நேற்று பூஜையுடன் ஹைதராபாத்தில் தொடங்கப்பட்டது. இதனை போனிகபூரே அதிகாரப்பூர்வமாக அறிவித்திருந்தார்.

முதல் காட்சியே பேங்கில் வைத்து எடுக்கப்பட்டுள்ளதாக கூறப்படுகிறது. வலிமை படத்தில் ஒரு மெசேஜ் இருந்தது போல இந்த படத்திலும் ஒரு வலுவான மெஜேச் உள்ளதாக சொல்லப்படுகிறது.

இந்த நிலையில், படத்தின் படப்பிடிப்பு தொடங்கப்பட்டு நடந்து வரும் நிலையில், படத்தில் நடிக்கும் நடிகர்கள், நடிகைகள் குறித்த தகவல் அவ்வப்போது பரவி வருவது வழக்கம் தான். அந்த வகையில், தற்போது இப்படத்தில் அஜித்திற்கு ஜோடியாக நடிக்கும் நடிகை குறித்த தகவல் பரவி வருகிறது.

அது என்னவென்றால், இந்த படத்தில் அஜித்திற்கு ஜோடியாக நடிக்க நடிகை ரகுல் பிரீத் சிங் நடிக்கவுள்ளதாக தகவல்கள் வெளியாகியுள்ளது.இந்த தகவல் உறுதியானால் இதற்கான அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.

மேலும், ரகுல் பிரீத் சிங் ஏற்க்னவே இயக்குனர் எச் .வினோத் இயக்கத்தில் வெளியான தீரன் படத்தில் கார்த்திக்கு ஜோடியாக நடித்திருந்தார் என்பது குறிப்பிடத்தக்கது.