அஜித்தின் படத்திலேயே அதிக நீளம் ‘வலிமை’தானாம்.! அப்போ மற்ற படங்கள்.?

அஜித் நடிப்பில் வெளியான திரைப்படங்களில் வலிமை தான் அதிக நீளம் கொண்ட திரைப்படமாம். இப்படம் 2 மணிநேரம் 59 நிமிடம் ஓடுகிறதாம்.

அஜித்குமார் ரசிகர்களுக்கு தங்கள் 2 வருட காத்திருப்பிற்கு பலனாக வரும் ஜனவரி 13ஆம் தேதி வலிமை திரைப்படம் திரையரங்குகளில் வெளியாக உள்ளது. அதனை திருவிழாவாக மாற்ற ரசிகர்கள் துடித்துக்கொண்டிருக்கிறார்கள். அவர்களிடம் மேலும் எதிர்பார்ப்பை அதிகரிக்க வலிமை படத்தின் ட்ரைலர் வெளியானது.

தற்போது இந்த படத்தின் சென்சார் செய்யப்பட்ட பின் வலிமையின் நீளமும், அதன் சான்றிதழும் வெளியாகியுள்ளது. இப்படம் 2 மணிநேரம் 59 நிமிடம் ஓடுகிறதாம். கிட்டத்தட்ட முழுதாக 3 மணிநேரம். படத்திற்கு சிறியவர்கள் பெரியவர்களின் துணையுடன் வந்து பார்க்கும் படி யு/ஏ சான்று கிடைத்துள்ளது.

இதுவரை அஜித் நடிப்பில் வெளியான திரைப்படங்களில் வலிமை தான் அதிக நீளம் கொண்ட திரைப்படமாம். அதற்கு அடுத்தபடியாக ரெட் திரைப்படம் 2 மணிநேரம் 55 நிமிடமும், ஆஞ்சநேயா திரைப்படம் 2 மணி நேரம் 54 நிமிடமும், சிட்டிசன் திரைப்படம் 2 மணி நேரம் 52 நிமிடமும் ஓடியது குறிப்பிடத்தக்கது.