ஸ்டார் படத்தை பார்த்துவிட்டு கவினுக்கு கால் செய்த சிம்பு! என்ன சொல்லிருக்காரு தெரியுமா?

silambarasan tr [file image]

STAR : ஸ்டார் படத்தை பார்த்துவிட்டு நடிகர் கவினுக்கு கால் செய்து சிம்பு பாராட்டியுள்ளார்.

நடிகர் கவின் டாடா திரைப்படத்தின் பெரிய வெற்றியை தொடர்ந்து அடுத்ததாக பியார் பிரேமா காதல் திரைப்படத்தை இயக்கிய இளன் இயக்கத்தில் ஸ்டார் என்ற திரைப்படத்தில் நடித்து முடித்துள்ளார். இந்த திரைப்படத்தில் அதிதி போஹன்கர், ப்ரீத்தி முகுந்தன், லால், கீதா கைலாசம் உள்ளிட்ட பல பிரபலங்கள் முக்கியமான கதாபாத்திரங்களில் நடித்துள்ளார்கள்.

இந்த திரைப்படத்திற்கு இசையமைப்பாளர் யுவன் சங்கர் ராஜா இசையமைத்துள்ளார். இந்த திரைப்படத்திற்கான டிரைலர் கூட கடந்த சில நாட்களுக்கு முன்பு வெளியாகி படத்தின் மீது இருக்கும் எதிர்பார்ப்பை அதிகப்படுத்தி இருந்தது. டிரைலரை பார்த்த ரசிகர்கள் மற்றும் பல சினிமா பிரபலங்கள் டிரைலர் அருமையாக இருக்கிறது படத்தை பார்க்க ஆவலுடன் காத்து இருக்கிறோம் என்பது போல பாராட்டி இருந்தார்கள்.

இதனையடுத்து, படத்தின் சில காட்சிகளை பார்த்துவிட்டு நடிகர் சிம்பு கவினுக்கு கால் செய்து பாராட்டி பேசினாராம். இந்த தகவலை நடிகர் கவின் சமீபத்திய பேட்டி ஒன்றில் கலந்துகொண்டபோது நெகிழ்ச்சியாக தெரிவித்துள்ளார். இது குறித்து பேசிய அவர் “ஸ்டார் படத்தின் சில காட்சிகளை சிம்பு சார் பார்த்தார். பார்த்ததும் அவருக்கு ரொம்பவே பிடித்துவிட்டது.

உடனடியாக சிம்பு சார் எனக்கு கால் செய்து பேசினார். கால் செய்து எனக்கு ரொம்பவே பிடித்து இருக்கிறது. கண்டிப்பாக படம் நன்றாக இருக்கும். உங்களுடைய நடிப்பு சரியான மீட்டரில் இருக்கிறது. பார்த்தவுடன் எனக்கு ரொம்பவே பிடித்து இருந்தது என்று கூறினார். இதனை கேட்டவுடன் எனக்கு ரொம்பவே மகிழ்ச்சியாக இருந்தது. நான் அவரிடம் சொன்னேன் மன்மதன் மற்றும் வானம் ஆகிய படங்களின் எமோஷனலான காட்சிகளை பார்த்து தான் இப்படியெல்லாம் நடிக்கவேண்டும் என்று கற்றுக்கொன்டேன் என்று சொன்னேன்.

அவரை போல ஒருவரிடம் இருந்து பாராட்டு வாங்குவது மிகவும் மகிழ்ச்சியாக இருக்கிறது” எனவும் நடிகர் கவின் நெகிழ்ச்சியாக பேசியுள்ளார். மேலும், ஸ்டார் திரைப்படம் வரும் மே 10-ஆ தேதி திரையரங்குகளில் வெளியாகவுள்ளது. படத்தின் ப்ரோமோஷன் பணிகளும் மும்மரமாக நடைபெற்று வருகிறது என்பது குறிப்பிடத்தக்கது.