எந்த பட்டமும் வேண்டாம்.! ‘தல’ என்று என்னை அழைக்க வேண்டாம்.! – அஜித்குமார் வேண்டுகோள்.!

தன்னை அஜித், அஜித்குமார் என்றோ அல்லது AK என குறிப்பிட்டோ அழைத்தால் போதும். தல எனும் பட்டம் கொண்டோ அல்லது வேறு பட்டங்கள் கொண்டோ அழைக்க வேண்டாம் – அஜித்குமார் வேண்டுகோள்.

தமிழ் சினிமாவில் உச்சத்தில் இருக்கும் நடிகர்களுள் ஒருவர் நடிகர் அஜித்குமார். இவர் நடித்து, ஏ.ஆர்.முருகதாஸ் இயக்கத்தில் வெளியான தீனா படத்தில் அவரது கதாபாத்திரத்தை ஒரு துணை அஜித்தை தல என அழைத்திருப்பார். அந்த தல எனும் பட்டம் ரசிகர்களுக்கும் மிகவும் பிடித்துவிட்டது.

அன்று முதல், தற்போது வரை தல அஜித் என்றே ரசிகர்கள் முதல் திரைபிரபலன்கள், பத்திரிக்கையாளர்கள், இணையவாசிகள் என அனைவரும் அழைக்க தொடங்கிவிட்டனர். தளபதி விஜய் – தல அஜித் என்கிற ஆரோக்கியமான போட்டி கோலிவுட்டில் நடந்து வருகிறது.

இந்நிலையில், தற்போது நடிகர் அஜித்குமார் தனது பி.ஆர்.ஓ மூலம் தகவல் ஒன்றை அறிவித்துள்ளார். அதாவது, ‘ தன்னை அஜித், அஜித்குமார் என்றோ அல்லது AK என குறிப்பிட்டோ அழைத்தால் போதும். தல எனும் பட்டம் கொண்டோ அல்லது வேறு பட்டங்கள் (அல்ட்மேட் ஸ்டார் எனும் பட்டத்தை மங்காத்தா ரிலீஸ் சமயத்திலே விட்டுவிட்டார்) கொண்டோ அழைக்க வேண்டாம் எனவும், அனைவருக்கும் ஆரோக்கியம், வெற்றி, மன அமைதி, மன நிறைவு என அனைத்தும் கிடைக்க வாழ்த்துக்கள்.’ எனவும் அதில் தெரிவித்துள்ளார்.

தல எனும் பட்டம் கொண்டு சென்னை சூப்பர் கிங்ஸ் அணியின் கேப்டன் மஹேந்திர சிங் தோனியையும் ரசிகர்கள் அழைப்பதுண்டு. அதன் காரணமாக சில சமயம் இணையத்தில் சச்சரவுகள் கூட அவ்வப்போது ஏற்படும்.