சூர்யா பிறந்த நாளை முன்னிட்டு ரசிகர்களுக்கு தரமான ட்ரீட்! என்ன தெரியுமா?

suriya [file image]

சூர்யா : சினிமாவில் இருக்கும் நடிகர்கள் பிறந்த நாளை முன்னிட்டு அவர்கள் நடித்து வரும் படங்கள் அப்டேட் அல்லது அவர்கள் முன்னதாக நடித்த படங்கள் மீண்டும் திரையரங்குகளில் ரீ-ரிலீஸ் ஆவது என்பது வழக்கமான ஒன்று. அப்படி தான் சூர்யாவின் பிறந்த நாளை முன்னிட்டு அவருடைய ரசிகர்களுக்கு ட்ரீட் ஆக இருக்கவேண்டும் என்பதால் அவருடைய ஹிட் படம் ஒன்று ரீ-ரிலீஸ் ஆக இருக்கிறது.

அது என்ன படம் என்றால் இயக்குனர் ஹரி இயக்கத்தில் கடந்த 2007-ஆம் ஆண்டு வெளியாகி ஹிட்டான வேல் படம் தான். இந்த படம் சூர்யாவின் சினிமா கேரியரில் ஒரு முக்கியமான திரைப்படம் என்றால் இந்த படத்தினை சொல்லலாம். எனவே, சூர்யாவின் பிறந்த நாளை முன்னிட்டு படம் ரிலீஸ் ஆக இருப்பதால் ரசிகர்கள் மகிழ்ச்சியாக உள்ளார்கள்.

சூர்யா வரும் ஜூலை 23-ஆம் தேதி தன்னுடைய 48-வது பிறந்த நாளை கொண்டாடவுள்ளார். அதற்கு முன்னதாக அதாவது ஜூலை 19-ஆம் தேதி வேல் படத்தினை படத்தின் தயாரிப்பாளர் ரீ-ரிலீஸ் செய்ய திட்டமிட்டு இருக்கிறாராம். எனவே, சூர்யா பிறந்த நாளுடன், படத்தினை கொண்டாட ரசிகர்கள் காத்திருக்கிறார்கள்.

மேலும், சூர்யா தற்போது கங்குவா படத்தில் நடித்து முடித்துள்ளார். இந்த திரைப்படம் வரும் அக்டோபர் 10-ஆம் தேதி வெளியாகவுள்ளது. இந்த படத்தை தொடர்ந்து அடுத்ததாக அவர் கார்த்திக் சுப்புராஜ் இயக்கத்தில் உருவாகி வரும் தன்னுடைய 44-வது படத்திலும் நடித்து வருகிறார் என்பது குறிப்பிடத்தக்கது.