விஸ்வாசம் படத்திற்கான தியேட்டர்களை இப்போதே புக்கிங் செய்து பேட்டயை சந்திக்க தயாரான சத்ய ஜோதி பிலிம்ஸ்!

சிறுத்தை சிவா இயக்கத்தில் தல அஜித்- நயன்தாரா ஆகியோர் நடித்துள்ள திரைப்படம் விஸ்வாசம். சத்ய ஜோதி பிலிம்ஸ் தயாரித்துள்ள இத்திரைப்படம் 2019 பொங்கலை முன்னிட்டு ஜனவரி 10 ஆம் தேதி வெளியாக உள்ளது. இதே பொங்கல் பண்டிகையை குறிவைத்து சூப்பர் ஸ்டாரின் பேட்ட திரைப்படமும் திரைக்கு வர உள்ளது.

இதுவரை அஜித் – ரஜினி படங்கள் நேருக்கு நேர் மோதிக்கொண்டதில்லை. ஆனால் இந்த பொங்கலுக்கு போட்டி பலமாக இருக்கும் என எதிர்பார்க்கப்படுகிறது. மேலும், ரஜினி படத்தை தயாரிப்பது சன் பிக்சர்ஸ் என்பதும் குறிப்பகடதக்கது. இப்படத்தில் விஜய் சேதுபதி, பாபி சிம்ஹா என நட்சத்திர பட்டாளமே நடிக்கிறது.

இதனை முன்கூட்டியே கணித்த சத்ய ஜோதி பிலிம்ஸ் தயாரிப்பு நிறுவனம் சென்னை, செங்கல்பட்டு ஏரியாக்கலை தவிர மற்ற முக்கிய நகரங்களில் சுமார் 400 தியேட்டர்களை ஜனவரி 5ஆம் தேதி முதலே புக் செய்துவிட்டது. ரிலீஸ் 10ஆம் தேதிதான் ஆனால் 5 நாள் முன்னதாகவே தியேட்டர்களை புக்கிங் செய்து பலமான போட்டியை எதிர்கொள்ள தயாராகி வருகிறது விஸ்வாசம் படக்குழு!

source : cinebar.in