யாருக்கும் அட்வைஸ் பண்ண மாட்டேன்…! உங்க மனசு சொல்றத கேளுங்க : ஏ.ஆர்.ரகுமான்

ஸ்லம் டாக் மில்லினியர்’ படத்தின் 10-ம் ஆண்டு விழா மும்பை தாராவி பகுதியில் ஏற்பாடு செய்யப்பட்டிருந்தது. நிகழ்ச்சியின் ஒரு பகுதியாக ஏ.ஆர் ரஹ்மான் அவரின் மூத்த மகள் கதிஜா ரஹ்மானுடன் உரையாடுவதுபோல் அமைக்கப்பட்டிருந்தது.

இந்த நிகழ்வில் பேசிய கதிஜா, “அப்பாவை நினைச்சு ரொம்ப பெருமையா இருக்கு. இந்தப் பெருமைக்குக் காரணம் அவரோட உலகப் புகழ் இல்ல. ரெண்டு ஆஸ்கர் வாங்கிட்டு வந்து பத்து வருஷமாச்சு. இன்னும் அப்பா அதே ரஹ்மானாகத்தான் இருக்காரு. அணு அளவும் அவர் மாறல. அப்போ எப்படி இருந்தாரோ அதேமாதிரிதான் இருக்கீங்க. என்ன எங்கக்கூட இருக்க நேரம் மட்டும் குறைஞ்சிருக்கு.

நாங்க எங்களோட வேலைகளுக்குப் போகப்போறோம் எங்களுக்கு நீங்க கொடுக்கிற அட்வைஸ் என்னவென்று கேட்டார். அதற்குப் பதிலளித்த ஏ.ஆர்.ரகுமான் நான் யாருக்கும் அட்வைஸ் பண்ணமாட்டேன். உங்க மனசு சொல்றத கேளுங்க. எங்க அம்மா எனக்குச் சொல்லித் தந்ததை நான் உங்களுக்குச் சொல்லித் தரணும். உங்க மனசுதான் உங்களுக்கான சிறந்த வழிகாட்டி’’ என்றார்.