‘மெர்சல்’-தான் காலாவை விட டாப் கிளாஸ்!தளபதியின் தந்தை வாக்கு

நடிகர் விஜய்யின் தந்தையும், இயக்குநருமான எஸ்.ஏ.சந்திரசேகர் ,சமூக கருத்துக்களை பேசும் அரசியல் படங்களில் காலாவை விட மெர்சல்தான் சிறப்பாக இருந்ததாக தெரிவித்துள்ளார்.

எஸ்.ஏ.சந்திரசேகர் தயாரித்து நடித்திருக்கும் டிராபிக் ராமசாமி திரைப்படம் வரும் வெள்ளிக்கிழமை திரைக்கு வருகிறது. இதுதொடர்பாக நியூஸ் 18 தமிழ்நாடு தொலைகாட்சிக்கு அவர் சிறப்பு பேட்டியளித்தார். அப்போது பேசிய அவர், சமூகத்திற்காக போராடி வரும் டிராபிக் ராமசாமி கோமாளி போல சித்தரிக்கப்படுவதாகவும், அந்த கருத்தை மாற்றுவதற்காகவே இந்த படத்தை தயாரித்திருப்பதாகவும் எஸ்.ஏ.சந்திரசேகர் தெரிவித்தார்.

சமகாலத்தில் சமூக கருத்துக்கள் கொண்ட பல திரைப்படங்கள் வெளிவருவது நல்ல தொடக்கம் என தெரிவித்த எஸ்.ஏ.சந்திரசேகர், நேரடியாக அரசியல் பேசும் காலா போன்ற படங்களை விட, கமர்சியல் கலந்த ஜனரஞ்சகமான மெர்சல் போன்ற படங்களில் பேசப்படும் அரசியலைத்தான் மக்கள் விரும்பி ரசிக்கிறார்கள் என்று தெரிவித்தார்.

மேலும் செய்திகளுக்கு தினச்சுவடுடன் இணைந்திருங்கள்.