பேட்டியில் பங்கேற்கும் தகுதி இன்னும் வரவில்லை : டாப்ஸி

• பாலிவுட்டில் பிரபலமாக இருக்கும் நடிகை டாப்சி.
• விரக்தியாக பதில் அளித்த டாப்ஸி.

பாலிவுட்டில் பிரபலமாக இருக்கும் நடிகை டாப்சி. இவர் பாலிவுட் பிரபல நடிகரான அமிர்தாப்பச்சன் உடன் இணைந்து டாப்ஸி நடித்துள்ளார். தற்போது இந்த படம் தமிழில் நேர்கொண்ட பார்வை என்ற பெயரில் ரீமேக் ஆகிறது. அமிதாப் வேடத்தில் அஜித் நடிக்கிறார்.

இந்நிலையில், பிங்க் படத்தில் நடித்த இந்தி நடிகர்களை பிரபல தொலைக்காட்சி நிகழ்ச்சி அழைத்து அவர்களோடு உரையாடியுள்ளனர். முக்கிய வேடத்தில் நடித்த டாப்சியை அவர்கள் அழைக்கவில்லை.

இதனையடுத்து, பேட்டியை கண்ட ரசிகர்கள் டாப்சியிடம் இதுபற்றி விசாரிக்க தொடங்கினார்கள். படத்தில் முக்கிய வேடத்தில் நடித்த நீங்கள் பேட்டியில் பங்கேற்காதது ஏன்? என்று கேட்டதும் டாப்சி வருத்தமானார்.

இதற்கு பதில் அளித்த டாப்ஸி , ‘நல்ல கேள்வி… எனக்கு அந்த பேட்டியில் பங்கேற்கும் தகுதி இன்னும் வரவில்லை. அதற்கான தகுதிக்கு எதிர்பார்த்துக் கொண்டிருக்கிறேன்’ என்று விரக்தியாக பதில் அளித்துள்ளார்.