பேட்டயை வீழ்த்திய விசுவாசம், கொந்தளித்த பேட்ட ரசிகர்கள்- மோதல் காதலானது ருசிகர தகவல்கள்

தமிழகத்தை பொருத்தவரை சினிமா என்ற ஒன்று ஒவ்வொரு வீட்டையும் ஏன்,நமது நாட்டையும் ஆண்டது என்றால் அது மிகையாகாது.நடிகர்களை கடவுள் என்றும்,தமது தலைவர்கள் என்று கூறிக்கொள்ளும் அளவிற்கு அதீத அன்பு வைத்திருக்கின்றனர்.அவ்வபோது வெவ்வேறு ரசிகர்களுக்கிடையே கடும் வாக்குவாதமும் வன்முறையும் நிகழ்ந்து வருகிறது.

இந்நிலையில்  கடந்த தமிழர் திருநாளாம்   பொங்கல் தினத்தன்று சூப்பர் ஸ்டார்  ரஜினியின் ‘பேட்ட’ மற்றும் தல அஜித்தின் ‘விஸ்வாசம்’ ஆகிய இரண்டு திரைப்படங்கள் வெளியான நாளில் இருந்து நடிகர் ரஜினி ரசிகர்களும் நடிகர்  அஜித் ரசிகர்களும் டுவிட்டரில் கடுமையாக  மோதிக் கொண்டே இருந்தன.

அத்தகைய சூழலிலும் பேட்ட, விஸ்வாசம் ஆகிய இரண்டு படங்களுமே மாஸ் ஹிட் கொடுத்து வெற்றி பெற்று தயாரிப்பாளர்களுக்கும்,பட  விநியோகிஸ்தர்களுக்கும் நல்ல லாபத்தை கொடுத்த போதிலும் பேட்டை படத்தை  விஸ்வாசம் வீழ்த்திவிட்டதாக டுவிட்டரில் டுவிட்டுக்கள் பதிவாக தொடங்கின. அன்று முதல் இன்று வரை அஜித் ரசிகர்கள் ரஜினியை கடுமையாக விமர்சனம் செய்வதும், ரஜினி ரசிகர்கள் அதற்கு பதிலடி கொடுப்பதுமாக இருந்தனர்.

இந்நிலையில் இன்று திடீரென #அன்புள்ள_ரஜினிகாந்த் என்ற ஹஷ்டேக்கும், #THALA FANS RESPECT THALAIVARஎன்ற ஹஷ்டேக்கும் தற்போது டுவிட்டரில் டிரெண்ட் ஆகியுள்ளது. இந்த ஹஷ்டேக்கை அஜித் ரசிகர்களும் ஷேர் செய்து வருவது தான் ஆச்சரியம் ஆனால் உண்மை, திடீரென ஒரே நாளில் ஒட்டுமொத்த அஜித் ரசிகர்களும் மாறிவிட்டார்களோ   என்றே எண்ணத் தொடங்கியுள்ளனர்.

DINASUVADU.