புதிய படத்தில் துணிச்சலான பெண்ணாக களமிறங்கும் த்ரிஷா!

நடிகை த்ரிஷா தமிழ் சினிமாவின் பிரபலமான நடிகை. இவர் பல படங்களில் நடித்துள்ளார். நடிகை த்ரிஷா சமீபத்தில் விஜய் சேதுபதிக்கு ஜோடியாக நடித்து வெளியான 96 படம் மக்கள் மத்தியில் நல்ல வரவேற்பை பெற்று,பல சாதனைகளையும் படைத்துள்ளது.

இந்நிலையில், தற்போது சுமந்த் ராதாகிருஷ்ணன் டைரக்ஷனில், ஒரு திகில் படத்தில் நடித்து வருகிறார். இந்த படத்தினை தொடர்ந்து, எம்.சரவணன் டைரக்‌ஷனில், இன்னொரு புதிய படத்தில் நடிக்க சம்மதித்து இருக்கிறார்.

இந்த படத்திற்கு இயக்குனர் ஏ.ஆர்.முருகதாஸ் கதை, வசனத்தை எழுதியுள்ளார். இந்த படத்துக்கு ராங்கி என பெயரிட்டுள்ளார்னர். ராங்கி’ என்றால் அடங்காத பெண், துணிச்சல் மிகுந்தவர் என்பது பொருள். மேலும், இந்த படத்தில் அதிகமான சண்டை காட்சிகள் இடம் பெரும் என்றும் தெரிவித்துள்ளனர்.