பிரம்மாண்டமாக உருவாகிவரும் தனுஷின்- வட சென்னை…! திரைப்படத்தின் ரிலீஸ் குறித்த தகவல்.!இதோ..!!

வெற்றி மாறன் இயக்கத்தில் பொல்லாதவன், ஆடுகளம் படத்தை தொடர்ந்து வடசென்னை படத்தில் தனுஷ் இணைந்துள்ளார். வெற்றி மாறன் – தனுஷ் கூட்டணியில் வெளியான 2 படங்களுமே விமர்சன ரீதியாகவும், வசூல்ரீதியாகவும் நல்ல வரவேற்பை பெற்றுள்ளது. இந்நிலையில் வட சென்னையை கதைக்களமாக வைத்து வடசென்னை படம் கடந்த 2 வருடங்களாக உருவாகி வருகிறது.

இப்படத்தில் தனுஷ், அமீர், ஐஸ்வர்யா ராஜேஷ், ஆண்ட்ரியா, சமுத்திரக்கனி, கிஷோர், டேனியல் பாலாஜி ஆகியோர் முக்கிய கதாபாத்திரங்களில் நடித்துள்ளனர். இசையமைப்பாளர் சந்தோஷ் நாராயணன் முதன்முறையாக வெற்றி மாறனுடன் இணைந்து பணியாற்றுகிறார். தனுஷின் வுண்டர்பார் பிலிம்ஸ் நிறுவனம் தயாரிக்கிறது.

சென்னையின் முப்பது ஆண்டு கால வரலாற்றை விவரிக்கும் விதமாக இப்படத்தின் திரைக்கதை அமைக்கப்பட்டுள்ளதால் இரண்டு அல்லது மூன்று பாகங்களாக படத்தை வெளியிடப் படக் குழு திட்டமிட்டுள்ளதாக கூறப்படுகிறது.

ஏற்கனவே இப்படத்தின் போஸ்டர்கள் வெளியாகி ரசிகர்களிடையே வரவேற்பை பெற்ற நிலையில் ஆகஸ்ட் மாதத்தில் படத்தை வெளியிடுவதற்கான வேலைகள் நடைபெற்று வருவதாகவும் கூறப்படுகிறது.

மேலும் செய்திகளுக்கு தினச்சுவடுடன் இணைந்திருங்கள்