படப்பிடிப்பில் மயங்கி விழுந்த நடிகை..! ஏன் ..?

கோகுல் இயக்கத்தில் விஜய் சேதுபதி, சாயிஷா சைகல், மடோனா செபாஸ்டியன் நடித்துள்ள படம், ஜுங்கா. இசை, சித்தார்த் விபின். பாடல்கள், லலிதானந்த். இந்தப் படத்தின் பாடல்களை தயாரிப்பாளர் ஆர்.பி.சவுத்ரி, நாசர் வெளியிட்டனர். அப்போது விஜய் சேதுபதி பேசியதாவது: இதற்குத்தானே ஆசைப்பட்டாய் பாலகுமாரா படத்துக்குப் பிறகு கோகுல் இயக்கத்தில் நடித்துள்ளேன். இது அந்தப் படத்தின் 2ம் பாகம் கிடையாது.

கஞ்சத்தனமான டான் பற்றிய படம். அதிகமாக செலவழிக்காமல், புதிய வழியில் யோசித்து செயல்படும் டான், தமிழ் திரைக்கு புதிதாக இருக்கும். ஒரு பாடல் காட்சியில் நடித்தபோது, மைனஸ் 3 டிகிரி குளிரில் நடுங்கிய சாயிஷா, திடீரென்று மயங்கி விழுந்தார். யூனிட்டில் அனைவரும் பதறிப்போய், உடனே அவரை ஒரு காரில் தூக்கிப் போட்டுக்கொண்டு ஆஸ்பத்திரிக்குச் சென்றார்கள்.

ஆனால், நடுவழியில் கண்விழித்த சாயிஷா, ஆஸ்பத்திரிக்கு வேண்டாம் என்று சொல்லிவிட்டு, ஹீட்டருக்கு முன்னால் சிறிது நேரம் நின்றுவிட்டு, பிறகு அந்தக் காட்சியில் நடித்தார். இவ்வாறு அவர் பேசினார். தயாரிப்பாளர்கள் அருண் பாண்டியன், கணேஷ், சாயிஷா சைகல், படக்குழுவினர் உடனிருந்தனர்.