நயன்தாராவை இயக்க விக்னேஷ் சிவன் எடுத்த அதிரடி முடிவு..!

தமிழ் சினிமாவின் முன்னணி கதாநாயகியாக திகழ்கிறார் நயன்தாரா. ’அறம்’ படம் மூலம் தனி கதாநாயகனுக்கு நிகரான இடத்துக்கு வந்தபோதிலும் கதாநாயகர்களுக்கும் ஜோடியாக நடிக்கிறார்.

அறம் படத்தை நயன்தாராவின் மேலாளராக இருந்தவர் தயாரித்ததால் நயன்தாராவின் சொந்த தயாரிப்பு என்று தகவல் பரவியது. இதை யாரும் மறுக்கவில்லை. ஆனால் இப்போது நயன்தாராவே நேரடியாக தயாரிப்பாளராக மாறப்போகிறார்.

அதர்வாவை கதாநாயகனாக வைத்து இதயம் முரளி என்னும் படத்தை தயாரிக்க இருப்பதாகவும் படத்தை விக்னேஷ் சிவன் இயக்குவார் என்றும் தமிழ் சினிமாவில் தகவல் அடிபடுகிறது.

சிவகார்த்திகேயன் இதுபோல அவரது மேலாளர் தயாரித்த படங்களில் நடித்தபோது அவரது நிறுவனம் என்று செய்தி வந்தது. பின்னர் தனியாக ஒரு நிறுவனம் தொடங்கினார். இப்போது அதுபோல நயன்தாராவும் தனியாக தயாரிப்பு நிறுவனம் தொடங்குகிறார்.