நடிகர் சல்மான்கானுக்கு சிறையில் கொலை மிரட்டல்….!சல்மான்கானை கொல்வேன் ரவுடி ஒருவர் மிரட்டல்…!

நடிகர் சல்மான்கான்  ஜோத்பூர் சிறையில் அடைக்கப்பட்டுள்ள நிலையில்,  கொலை மிரட்டல் வந்ததை அடுத்து, அவருக்கு பலத்த பாதுகாப்பு அளிக்கப்பட்டுள்ளது.

அரிய வகை மான்களை வேட்டையாடியதாகத் தொடரப்பட்ட வழக்கில் 5 ஆண்டுகள் சிறை தண்டனைபெற்ற சல்மான்கான் ராஜஸ்தான்  மாநிலத்தில் உள்ள ஜோத்பூர் சிறையில் அடைக்கப்பட்டுள்ளார். இந்த வழக்கு தொடர்பாக சல்மான்கான் சிறையில் அடைக்கப்படுவது இது 4வது முறை.

அவருக்கு 106 என்கிற கைதி எண் கொடுக்கப்பட்டுள்ளது. பாலியல் பலாத்கார வழக்கில் தண்டனை பெற்று கடந்த 2013ம் ஆண்டு முதல் ஜோத்பூர் சிறையில் அடைக்கப்பட்டுள்ள சாமியார் ஆசாராம் அடைக்கப்பட்டுள்ள அறைக்கு பக்கத்து அறையில் சல்மான்கான் அடைக்கப்பட்டுள்ளார்.

இதனிடையே சிறையில் சல்மான்கானை கொல்வேன் என அப்பகுதியைச் சேர்ந்த ரவுடி ஒருவர் மிரட்டல் விடுத்ததையடுத்து சிறைக்குள் சல்மான்கானுக்கு பலத்த பாதுகாப்பு போடப்பட்டிருந்தது. இரவு உணவாக சப்பாத்தி மற்றும் குருமா வழங்கப்பட்டதாகவும் அதனை உண்ண சல்மான்கான் மறுத்ததாகவும் தகவல்கள் கூறுகின்றன.

மேலும் செய்திகளுக்கு தினச்சுவடுடன் இணைந்திருங்கள்.