திரைக்கு வரும் முன்பே விருதுகளை அள்ள உள்ள விஜய்சேதுபதியின் படம்..!!

ஆரஞ்சு மிட்டாய்’ படத்தைத் தொடர்ந்து விஜய் சேது பதி தயாரிப்பில் உருவான படம் ‘மேற்குத் தொடர்ச்சி மலை’. புதுமுக இயக்குநர் லெனின் பாரதி இயக்கி உள்ள இந்த படத்தில் முழுக்கப் புதுமுகங்கள் நடித்திருக்கிறார்கள்.

இந்த படத்துக்கு இளையராஜா இசையமைத்திருக்கிறார் தேனி ஈஸ்வர் ஒளிப்பதிவு செய்துள்ளார். இந்த படம் தொடர்பாக விஜய்சேதுபதி வீடியோ ஒன்றை சமீபத்தில் அவரது ட்விட்டர் பக்கத்தில் வெளியிட்டு இருந்தார்.

இது எளிய மக்களுக்கான படம். ஒரு அழகான வாழ்க்கை மூலமாக, வாழ்வியல் மூலமாக இதன் கதை சொல்லப்பட்டு இருக்கிறது. திரைக்கு வரும் முன்பே பல்வேறு திரைப்பட விழாவில் பங்கேற்று விருதுகளுக்கும் படம் தேர்வாகி இருப்பது படக்குழுவினருக்கு உத்வேகத்தை அளித்திருக்கிறது.
இந்த படம் விரைவில் வெளியாக இருப்பதாகவும் விஜய் சேதுபதி தெரிவித்துள்ளார்.