தயாரிப்பாளர் சங்கம் எவ்ளோ சொல்லியும் கேட்காத தயாரிப்பாளர்கள்! டிசம்பர் 21 ரிலீஸ் ரேஸ் உறுதி!!

நவம்பர் தொடக்கத்தில் தீபாவளியன்று தளபதி விஜய் நடிப்பில் சர்கார் வெளியானது. அடுத்து நவம்பர் 29இல் பிரமாண்ட இயக்குனர் ஷங்கர் இயக்கத்தில் 2.O திரைப்படம் வெளியானது. அடுத்து பொங்கலன்று தல அஜித் நடிக்கும் விஸ்வாசமும், ரஜினி நடிக்கும் பேட்ட படமும் வெளியாக உள்ளது. இதற்கிடையில் தொடர் விடுமுறை நாளாக இருப்பது கிறுஸ்துமஸ் மட்டுமே!
ஆதலால் கிறுஸ்துமஸை குறிவைத்து டிசம்பர் 20, 21இல் மட்டும் 5 படங்கள் ரிலீஸாக உள்ளன. சீதக்காதி, மாரி 2, கனா, அடங்க மறு, சிலுக்குவார்பட்டி சிங்கம் என படங்கள் மொத்தமாக களமிறங்க உள்ளன. இதனை குறித்து கடந்த 5ஆம் தேதி தயாரிப்பாளர் சங்கம் கூட்டம் கூட்டியது. அதில் தயாரிப்பாளர்கள், விநியோகிஸ்தர்கள் கலந்து கொண்டனர்.
இதில் டிசம்பர் 14, மற்றும் கிறுஸ்துமஸ் கழிந்து பொங்கலுக்கு இடையில் ஒரு மாதம் தியேட்டர்கள் தாராளமாக இருப்தையும் சங்கம் கூறியது. ஆனால் இதனை ஏற்க மறுத்த தயாரிப்பாளர்கள், விடுமுறை தினத்தில் தங்கள் படங்கள் வெளியானால் வசூலாகிவிடும் என கூறி விட்டனர். இதனால் தயாரிப்பாளர்கள் விருப்பப்படியே படங்கள் ரிலீஸாகும் என சங்கம் தெரிவித்துவிட்டது.
source : cinebar in