தனுஷின் 'என்னை நோக்கி பாயும் தோட்டா' படத்தின் அப்டேட்ஸ்…!!

கௌதம் மேனன் இயக்கத்தில் தனுஷ் நடிப்பில் உருவாகி வரும் ‘எனை நோக்கி பாயும் தோட்டா’ படத்தின் ஷூட்டிங் மும்பையில் நடைபெறவுள்ளது. இந்தப் படத்தில் தனுஷ் ஜோடியாக மேகா ஆகாஷ் நடிக்கிறார். மேலும் படத்தில் ராணா டகுபதி, சிறப்பு தோற்றத்தில் வருகிறார் என்றும் கூறப்பட்டுள்ளது. பல மாதங்களாக நடைபெறாமல் இருந்த படப்பிடிப்பு, கடந்த மாதத்தில் இருந்து தொடங்கி நடைபெற்று வருகிறது. இந்நிலையில், பொள்ளாச்சி மற்றும் சென்னை ஈசிஆரில் படப்பிடிப்பு நடத்தியுள்ள கௌதம் மேனன், சில காட்சிகளை மும்பையில் எடுக்கத் திட்டமிட்டுள்ளார். அங்கு ஷூட்டிங் முடிந்தபிறகு மறுபடியும் பொள்ளாச்சியில் எடுக்கத் திட்டமிட்டுள்ளனர். இந்தப் படம், காதலர் தின வார இறுதியில் வெளியாக திட்டமிடப்பட்டு வருகிறது படக்குழு என்பது குறிப்பிடத்தக்கது.