சாதி பேதம் பார்ப்பது கண்டனத்திற்குரியது : விக்ரம் ரசிகர் மன்றம்

சினிமாவில் ரஜினி-கமல், விஜய்-அஜித் என அவர்களது ரசிகர்கள் தங்களுக்குள் நடிகர்களுக்காக சண்டை போட்டு கொள்வார்கள். அது சில நேரம் எல்லைமீறி சாதிசண்டையாகவும் மாறியுள்ளது. அதனை தவிர்க்கும் வகையில் தற்போது சியான் விக்ரம் ரசிகர்கள் ஈடுபட்டுள்ளனர்.

அதன்படி சியான் தலைமை ரசிகர்மன்றம் சார்பில் ஓர் அறிக்கை ஒன்று டிவிட்டரில் வெளியாகியுள்ளது. அதில் ரசிகர்கள் யாரும் தங்கள் சாதி அடையாளங்களை போஸ்டர்களில் வெளிபடுத்தகூடாது எனவும், அப்படி ஈடுபடுவர்களுக்கும் மன்றத்துக்கும் எந்த சம்பந்தமும் இல்லை என தெரிவித்துள்ளனர்.

இதனை அகில இந்திய சியான் விக்ரம் ரசிகர் நற்பணி மன்றம் சார்பில் சூரியநாராயணன் மற்றும் கலைஅழகன் ஆகியோர் தெரிவித்துள்ளனர்.