கமல் மற்றும் ரஜினியின் நடிப்பை ஒப்பிடுவதில் எனக்கு உடன்பாடு இல்லை : நவாசுதீன் சித்திக்

நவாசுதீன் சித்திக் பல படங்களில் நடித்து தற்போது பிரபலமாகிக்கொண்டிருக்கும் ஒரு நடிகர். இவர் நடித்துள்ள தாக்கரே படம் தற்போது ரிலீஸ் ஆகியுள்ளது. இந்த படத்திற்கு பின்பு நவாஸுதீன் பேட்டி அளித்துள்ளார்.

அந்த ட்டியில் அவர் கூறியதாவது, நேர்மையாக நடிக்கவேண்டும். உண்மையாக நடிக்கவேண்டும். யாரையும் காப்பி அடித்து நடிக்கக் கூடாது. அதில் எனக்கு உடன்பாடு இல்லை. இப்போது தாக்கரே படத்தில் நடித்தேன். இதற்காக நிறையவே ஹோம் ஒர்க் செய்த்துள்ளேன் என்று கூறியுள்ளார்.

மேலும் அவர் கூறுகையில், பால்தாக்கரே எப்படி நடப்பார், பார்ப்பார், எப்படிப் பேசுவார் என்பதை எல்லாம் உள்வாங்கி கொள்ளவேண்டும் என்றும் கூறியுள்ளார். உடன் நடித்த நடிகர்களில் தமிழில் விஜய் சேதுபதியையும், ரஜினியையும் ரொம்பவே பிடிக்கும் என்று அவர் கூறியுள்ளார்.

கமல் மற்றும் ரஜினி நடிப்பு என்று ஒப்பிடுவதில் எனக்கு உடன்பாடு இல்லை என்றும்,  அதேசமயம் கமல் மிகச்சிறந்த நடிகர் என்றும் அவருடன் நடிக்க ஆசைப்படுவதாகவும் இவர் தனது பேட்டியில் கூறியுள்ளார்.