இயக்குனர் பா.ரஞ்சித் தனது அடுத்த படத்தை பிரபல கிரிக்கெட் வீரர் பிறந்த ஊரில் தான் எடுக்க உள்ளாராம்!

இயக்குனர் பா.ரஞ்சித் பல படங்களை இயக்கியுள்ளார். இவரது இயக்கத்தில் வெளியான படங்கள் பல சாதனைகளையும் படைத்துள்ளது. சமீபத்தில், இவரது இயக்கத்தில், ரஜினியின் நடிப்பில் வெளியான காலா படம் பல சாதனைகளை படைத்துள்ளது.

இந்நிலையில், இயக்குனர் ரஞ்சித், பழங்குடியின போராட்டக்காரரான பிர்சா முண்டாவின் வாழக்கையை மையமாக வைத்து புதிய படத்தை உருவாக்க உள்ளதாக கூறியுள்ளார். மேலும், இப்படத்திற்காக வட மாநிலங்களில் உள்ள பழங்குடியினர் கிராமங்களுக்குச் சென்று கதைக்கான தகவல்களை சேகரித்து வந்ததாக தகவல்கள் வெளியாகியுள்ளது.

இந்நிலையில், இப்படம் நமா பிக்சர்ஸ் தயாரிப்பில் உருவாகவுள்ளதாகவும்,  இந்தப் படத்தின் படப்பிடிப்பை கிரிக்கெட் வீரர் தோனி பிறந்த ஊரான ராஞ்சியில் படமாக்க திட்டமிட்டுள்ளதாகவும், தகவல்கள் வெளியாகியுள்ளது.