மீண்டும் மீண்டுமா? தங்கத்தின் விலை சவரனுக்கு ரூ.80 உயர்வு!

சென்னை :  நேற்றும், நேற்று முன்தினமும்  ஆபரணத் தங்கம் விலை கிராமுக்கு ரூ.7,130 ஆகவும், சவரன் தங்கம் ரூ.57,040ஆகவும் விற்பனையானநிலையில், இன்று சவரனுக்கு ரூ.80 உயர்ந்துள்ளது.

அதன்படி 22 கேரட் ஆபரண தங்கத்தின் விலை சவரனுக்கு  ரூ.80 அதிகரித்து ரூ.57,120 ஆகவும் விற்கப்படுகிறது. அதைப்போல,  தங்கம் விலை கிராமுக்கு ரூ.10 உயர்ந்து, ரூ.7,140 ஆகவும், விற்பனை செய்யப்பட்டு வருகிறது.

மேலும், 24 கேரட் தங்கம் ஒரு கிராம் 7 ஆயிரத்து 778 ரூபாய்க்கு விற்பனை ஆகிறது. இதனால் ஒரு சவரன் தங்கம் 62 ஆயிரத்து 224 ரூபாய்க்கு விற்பனை செய்யப்படுகிறது.

அதே சமயம் கடந்த 5 நாட்களாக விலை மாற்றமின்றி விற்பனையான வெள்ளி விலை இன்று உயர்ந்துள்ளது. வெள்ளி விலை கிராமுக்கு ரூ.1 உயர்ந்து ரூ.101ஆகவும், கிலோவுக்கு ரூ.1,000 அதிகரித்து ரூ.1,01,000 ஆகவும் விற்பனையாகிறது.