புதிய உச்சத்தை எட்டிய தங்கம் விலை… இன்றைய நிலவரம் என்ன?

சென்னை : தங்கம் விலை இன்று ஒரே நாளில் சவரனுக்கு ரூ.440 உயர்ந்து சவரன் ரூ.65,000-ஐ நெருங்கியுள்ளது. கடந்த வாரத்தில் தங்கம் விலை தொடர்ந்து சரிந்து வந்த நிலையில், இந்த வாரம் ஏறுமுக வாரம் என்பதுபோல், தொடர்ந்து உயர்ந்து வருகிறது.

அதன்படி, ஆபரணத் தங்கத்தின் விலை வரலாறு காணாத அளவில் உயர்ந்து, ரூ.65 ஆயிரத்தை நெருங்கியதால் மக்கள் அதிர்ச்சி அடைந்துள்ளனர். 22 கேரட் ஆபரணத் தங்கத்தின் விலை சவரனுக்கு ரூ.440 உயர்ந்து ரூ.64,960க்கும், கிராமுக்கு ரூ.55 உயர்ந்து ரூ.8,120க்கும் விற்பனை செய்யப்படுகிறது. குறிப்பாக கடந்த 2 நாள்களில் மட்டும் சவரனுக்கு ரூ.800 உயர்ந்துள்ளது.

அதேபோல், வெள்ளியின் விலை கிராமுக்கு ரூ.1 உயர்ந்து ரூ.110க்கும் விற்பனையாகிறது. கடந்த 2 நாட்களில் கிராமுக்கு ரூ.2 உயர்ந்து உயர்ந்துள்ளது.

மேலும், 24 கேரட் ஆபரண தங்கத்தின் விலையை பொறுத்தவரையில், கிராம் ரூ. 8,858-க்கும், ஒரு சவரன் ரூ 70,864-க்கும் விற்பனை செய்யப்படுகிறது.