உச்சத்தை தொட்ட தங்கம் விலை! அதிர்ச்சியில் இல்லத்தரசிகள்!

சென்னை : சென்னையில் ஆபரணத்தங்கம் விலை கடந்த சில நாட்களாக ஏற்றத்தை கண்டு உச்சத்தை தொட்டு வருகிறது. அதன்படி, இன்று ஒரு சவரன் விலை ரூ.58,400க்கு மேல் கடந்ததால் நகை வாங்கும் நகைப்பிரியர்கள் அதிர்ச்சியடைந்துள்ளனர்.

இன்றைய நிலவரப்படி, (21-10-2024) சென்னையில் 22 கேரட் ஆபரணத் தங்கத்தின் விலை கிராமுக்கு ரூ.20 உயர்ந்து, ஒரு கிராம் ரூ.7,300க்கு விற்பனை. சவரனுக்கு ரூ. 160 உயர்ந்து, ஒரு சவரன் ரூ.58,400க்கு விற்பனை செய்யப்படுகிறது.

மேலும் , வெள்ளியின் விலை கிராமுக்கு 2 ரூபாய் உயர்ந்து 109 ரூபாய்க்கும், ஒரு கிலோ ஒரு லட்சத்து ஒன்பது ரூபாய்க்கும் விற்பனையாகிறது.

அதேபோல், 18 காரட் ஆபரணத்தங்கத்தின் விலை சவரனுக்கு ரூ.80 உயர்ந்து ரூ. 48,200க்கும், கிராமுக்கு ரூ.10 உயர்ந்து ரூ.6,025க்கும் விற்பனை செய்யப்படுகிறது.