சென்னையில் குறைந்தது வணிக பயன்பாட்டிற்கான சிலிண்டர் விலை.! எவ்வளவு தெரியுமா?

சென்னை : வணிகப் பயன்பாட்டுக்கான சமையல் எரிவாயு சிலிண்டர் விலை ரூ.70.50 குறைந்துள்ளது. இந்த புதிய விலை இன்று முதல் அமலுக்கு வருகிறது. அதன்படி, சென்னையில் இன்று முதல் வர்த்தக சிலிண்டரின் விலை ரூ.1,840.50 ஆக விற்பனை செய்யப்படுகிறது.

கடந்த மே 1ம் தேதி 19 கிலோ எடை கொண்ட சிலிண்டரின் விலை ரூ.1,911க்கு விற்பனையானது. எரிபொருள் சில்லறை விற்பனையாளர்கள் (எண்ணெய் நிறுவனங்கள்) ஒவ்வொரு மாதமும் 1ஆம் தேதி சிலிண்டர் விலையில் மாற்றம் செய்து வருகின்றன.

இருப்பினும், 14.2 கிலோ எடை கொண்ட வீட்டு சிலிண்டர்களின் விலையில் நிறுவனங்கள் எந்த மாற்றமும் செய்யவில்லை. அதன்படி, வீட்டு பயன்பாட்டுக்கான சிலிண்டர் ரூ.818.50க்கு விற்பனையாகிறது.

முக்கிய நகரங்கள் வாரியாக வணிக சிலிண்டர் விலை

1. டெல்லி – ரூ.1676
2. மும்பை – ரூ.1629
3. கொல்கத்தா – ரூ.1787
4. சென்னை – ரூ.1,840
5. ராஞ்சி – ரூ.1836
6. லக்னோ – ரூ.1789
7. நொய்டா – ரூ.1667
8. திப்ருகர் – ரூ.1729
9. பெங்களூரு – ரூ.1755
10. அகமதாபாத் – ரூ.1695
11. பாட்னா – ரூ.1947
12. சண்டிகர் – ரூ.1697
13. சிம்லா – ரூ.1782
14. கோவா – ரூ.1743
15. திருவனந்தபுரம் – ரூ.1706