பங்குச்சந்தை முடிவு..! சென்செக்ஸ் 62,787 புள்ளிகளாக நிறைவு..!

பிஎஸ்இ (BSE) சென்செக்ஸ் 240.36 புள்ளிகள் உயர்ந்து 62,787 ஆகவும், என்எஸ்இ (NSE) நிஃப்டி 18,593 ஆகவும் வர்த்தகம் நிறைவடைந்துள்ளது.

கடந்த வாரங்களில் சரிவுடன் வர்த்தகமாகிவந்த இந்தியப் பங்குச்சந்தை, வாரத்தின் முதல் நாளான இன்று ஏற்றத்துடன் தொங்கியது. இன்றைய வர்த்தக நாளில் 62,759 புள்ளிகள் எனத் தொடங்கிய மும்பை பங்குச்சந்தை பிஎஸ்இ (BSE) சென்செக்ஸ் வர்த்தக நாளின் முடிவில் 240.36 புள்ளிகள் அல்லது 0.38% என உயர்ந்து 62,787 புள்ளிகளாக வர்த்தகம் நிறைவு.

மேலும், தேசிய பங்குச்சந்தை என்எஸ்இ (NSE) நிஃப்டி 59.75 புள்ளிகள் அல்லது 0.32% உயர்ந்து 18,593 புள்ளிகளாக வர்த்தகம் நிறைவடைந்துள்ளது. முந்தைய வர்த்தக நாள் முடிவில் சென்செக்ஸ் 62,547 புள்ளிகளாகவும், நிஃப்டி 18,534 புள்ளிகளாகவும் வர்த்தகம் நிறைவடைந்தது.

இதற்கிடையில், அந்நிய நிறுவன முதலீட்டாளர்கள் கடந்த 6 மாதங்களில் இல்லாத அளவிற்கு சந்தையில் முதலீடு செய்து வரும் வேளையில் உள்நாட்டு முதலீட்டாளர்கள் தங்களது அதிகப்படியான பங்குகளை விற்பனை செய்து வருகின்றனர். கடந்த மாதங்களை விட மே மாதத்தில் வெளிநாட்டு முதலீட்டாளர்கள் பங்குச்சந்தையில் கிட்டத்தட்ட ரூ.30,000 கோடி முதலீடு செய்துள்ளனர்.