Stock Market: விநாயகர் சதுர்த்தி கொண்டாட்டம்.! இந்திய பங்குச்சந்தை விடுமுறை.!

sensex high [Image Source : PTI]

இன்று நாடெங்கும் விநாயகர் சதுர்த்தி விழாவானது வெகு சிறப்பாக கொண்டாடப்பட்டு வருகிறது. அதன்படி, விடுமுறை நாளான இன்று இந்திய பங்குச்சந்தைக்கு விடுமுறை நாளாகும். எனவே இந்த நாளில் வர்த்தகங்கள் மற்றும் பங்கு பரிவர்த்தனைகள் ஏதும் நடைபெறாது.

2023 ஆம் ஆண்டில், மொத்தம் 15 பங்குச் சந்தை விடுமுறைகள் அறிவிக்கப்பட்டுள்ளன. இதில் இன்னும் 6 விடுமுறைகள் மீதம் உள்ளன. அதன்படி, அடுத்த பங்குச் சந்தை விடுமுறை அக்டோபர் 2ம் தேதி மகாத்மா காந்தி ஜெயந்தி அன்று வருகிறது.

அதேபோல, அக்டோபர் 24ம் தேதி தசரா, நவம்பர் 14ம் தேதி தீபாவளி, நவம்பர் 27ம் தேதி குருநானக் ஜெயந்தி மற்றும் டிசம்பர் 25ம் தேதி கிறிஸ்துமஸ் ஆகிய ஐந்து பங்குச் சந்தை விடுமுறைகள் உள்ளன.

முன்னதாக, வாரத்தின் முதல் நாளான நேற்று 67,665 புள்ளிகள் சரிவுடன் தொடங்கிய சென்செக்ஸ் வர்த்தக நாளின் முடிவில், 241.79 புள்ளிகள் சரிந்து 67,596.84 புள்ளிகளாக வர்த்தகத்தை நிறைவு செய்தது. தேசிய பங்குச்சந்தை என்எஸ்இ (NSE) நிஃப்டி 59.05 புள்ளிகள் உயர்ந்து 20,133.30 புள்ளிகளாக வர்த்தகத்தை நிறைவு செய்தது.

முந்தைய வர்த்தக நாள் முடிவில் சென்செக்ஸ் 67,838 புள்ளிகளாகவும், நிஃப்டி 20,192 புள்ளிகளாகவும் வர்த்தகம் நிறைவடைந்தது. முன்னதாக, 19 புள்ளிகளுக்கு மேல் வர்த்தகமாகி வந்த நிஃப்டி, முதல் முறையாக 20 ஆயிரம் புள்ளிகளை எட்டி சாதனை படைத்தது என்பது குறிப்பிடத்தக்கது.