நாள் முடிவில் ஏற்றமடைந்த சென்செக்ஸ்.! 300 புள்ளிகளுக்கு மேல் உயர்வு.!

Sensex

இந்திய பங்குச்சந்தை குறியீடுகளான சென்செக்ஸ் மற்றும் நிஃப்டி கடந்த சில வாரங்களாக சரிவுடன் வர்த்தகமாகி வந்தது. அதன்படி, கடந்த செப்டம்பர் 17ம் தேதி மும்பை பங்குச்சந்தை பிஎஸ்இ சென்செக்ஸ் 700 புள்ளிகள் வரை சரிந்தது. தேசிய பங்குச்சந்தை என்எஸ்இ நிஃப்டி 231.90 புள்ளிகள் வரை சரிந்தது.

அமெரிக்காவில் கடன் வட்டி வீதங்கள், பிரெண்ட் கச்சா எண்ணெய் விலை ஏற்றம் மற்றும் பங்குச்சந்தையில் லாபத்தைப் பதிவு செய்து முதலீட்டாளர்கள் பணத்தைப் பெறுவது போன்றவை இந்த பங்குச்சந்தை வீழ்ச்சிக்கு காரணமாக உள்ளன. இந்தியப் பங்குச்சந்தையில் ஏற்பட்ட இந்த மாற்றத்தால் முதலீட்டாளர்கள் மத்தியில் பெரும் கவலை ஏற்பட்டுள்ளது.

இந்நிலையில், வாரத்தின் ஐந்தாம் நாளான இன்று 65,867 புள்ளிகள் என ஏற்றத்துடன் தொடங்கிய மும்பை பங்குச்சந்தை பிஎஸ்இ சென்செக்ஸ் காலை 10 மணியளவில் 198.24 புள்ளிகள் உயர்ந்து 65,829.81 புள்ளிகளாக வர்த்தகமானது. அதேபோல, என்எஸ்இ நிஃப்டி 61.65 புள்ளிகள் உயர்ந்து 19,607.40 புள்ளிகளாக வர்த்தகமானது.

இதே போல, தற்போது வர்த்தக நாளின் முடிவில் சென்செக்ஸ் 364.06 புள்ளிகள் உயர்ந்து 65,995.63 புள்ளிகளாக வர்த்தகத்தை நிறைவு செய்துள்ளது. என்எஸ்இ நிஃப்டி 107.75 புள்ளிகள் உயர்ந்து 19,653.50 புள்ளிகளாக வர்த்தகத்தை நிறைவு செய்துள்ளது. முந்தைய வர்த்தக நாள் முடிவில் சென்செக்ஸ் 65,631 புள்ளிகளாகவும், நிஃப்டி 19,545 புள்ளிகளாகவும் வர்த்தகம் நிறைவடைந்தது.

இதற்கு முன்னால் 19 புள்ளிகளுக்கு மேல் வர்த்தகமாகி வந்த நிஃப்டி, முதல் முறையாக 20 ஆயிரம் புள்ளிகளை எட்டி சாதனை படைத்தது. அதோடு சென்செக்ஸ் 64,000, 65,000, 66,000, 67,000 என நான்கு மைல் கல்லைத் தாண்டி புதிய சாதனையை படைத்தது குறிப்பிடத்தக்கது.