சற்று ஆறுதல் அளித்த தங்கம் விலை.! மாத தொடக்க நாளில் சரிவு.!

gold price [File Image]

Gold Price: மே மாதத்தின் தொடக்க நாளான இன்று சற்று ஆறுதல் அளிக்கும் வகையில், தங்கம் விலை அதிரடியாக குறைந்துள்ளது.

சர்வதேச கச்சா எண்ணெய் ஏற்றுமதி மற்றும் இறக்குமதி காரணமாக பெட்ரோல் மற்றும் டீசல் விலையில் மாற்றம் காணப்டுகிறது. அதுபோல, பணவீக்கம் மற்றும் தங்கத்தின் தேவை அதிகரிக்கும் போது, தங்கத்தின் விலையும் உயர்கிறது.

இவ்வாறு ஒவ்வொரு நாளும் தங்கத்தின் விலையில் ஏற்றமும், இறக்குமும் காணப்பட்டு கொண்டே வருகிறது. கடந்த ஏப்ரல் 19ம் தேதி ரூ.55,120 என்ற புதிய உச்சத்தை எட்டிய தங்கம் விலை, பின்னர் படிப்படியாக குறைந்து, ஏற்ற இறக்கங்களுடன் தொடர்கிறது.

அதன்படி, கடந்த சில நாள்களாக தங்கத்தின் விலை அதிகரித்து வந்த நிலையில், மாத தொடக்க நாளான இன்று சற்று குறைந்துள்ளது. சென்னையில் இன்றைய நிலவரப்படி (01-05-2024) 22 கேரட் ஆபரணத் தங்கத்தின் விலை ஒரே நாளில் ரூ.920 சரிந்துள்ளது.

நேற்று ரூ.54,000க்கு விற்ற ஒரு சவரன் தங்கம், இன்று ரூ.53,080க்கு விற்பனையாகிறது. நேற்று ரூ.6,750க்கு விற்ற ஒரு கிராம் தங்கம், இன்று ரூ.115 குறைந்து ரூ.6,635க்கு விற்பனையாகிறது. அதேபோல், வெள்ளி விலை கிராம் ஒன்றுக்கு 50 காசுகள் குறைந்து ரூ.86.50க்கு விற்பனையாகிறது.