12 கோடி ரூபாய் மதிப்பிலான பிட்காயின்களை தொழிலதிபரிடமிருந்து அபகரித்த போலீஸ்!

குஜராத்  மாநில சி.ஐ.டி. போலீஸார் ,குஜராத்தில் தொழிலதிபரிடமிருந்து 12 கோடி ரூபாய் மதிப்பிலான பிட்காயின்களை அபகரித்ததாக, அம்ரேலி மாவட்ட எஸ்.பி. ஜெகதீஷ் படேலிடம் விசாரணை மேற்கொண்டுள்ளனர்.

சூரத்தைச் சேர்ந்த தொழிலதிபரான பாட் என்பவரை காந்திநகரிலிருந்து பிப்ரவரி 9ம் தேதி கடத்திச் சென்ற போலீஸார், பண்ணை வீடு ஒன்றில் அவரை அடைத்து வைத்தனர். தொழிலதிபரை அடித்து உதைத்து கணினி மூலம் பிட்காயின்களை தங்களது கணக்கிற்கு போலீஸார் மாற்றியுள்ளனர்.

இவ்வழக்கில் காவல் ஆய்வாளர் ஆனந்த் படேல் உள்ளிட்ட 9 போலீஸார் ஏற்கெனவே கைது செய்யப்பட்ட நிலையில், புதிய திருப்பமாக மாவட்ட கண்காணிப்பாளரையும் சி.ஐ.டி. போலீஸார் விசாரணை வளையத்திற்குள் கொண்டு வந்துள்ளனர்.

மேலும் செய்திகளுக்கு தினச்சுவடுடன் இணைந்திருங்கள்.