இனிய செய்தி!பெட்ரோல், டீசல் விலை லிட்டருக்கு 2 ரூபாய் வரை குறைய வாய்ப்பு? மத்திய அரசு தகவல்

மத்திய அரசு  பெட்ரோல், டீசல் மீதான உற்பத்தி வரியை குறைக்க உத்தேசித்திருப்பதாக தகவல் வெளியாகியுள்ளது.

சர்வதேச சந்தையில் கச்சா எண்ணெயின் விலை நிலவரத்தை பொறுத்து, உள்நாட்டில் பெட்ரோல், டீசல் விலையை எண்ணெய் நிறுவனங்கள் நிர்ணயித்து வருகின்றன. தற்போது ஒரு பீப்பாய் கச்சா எண்ணெ விலை, 80  டாலர்களை கடந்து விட்ட நிலையில், இந்தியாவில் பெட்ரோல், டீசல் விலை மேலும் அதிகரிக்கும் என தெரிகிறது.

இதையடுத்து, விலை உயர்வை கட்டுப்படுத்த, பெட்ரோல், டீசல் மீதான உற்பத்தி வரியை குறைக்க, மத்திய அரசு தீர்மானித்துள்ளதாக, கூறப்படுகிறது. இது தொடர்பாக மத்திய நிதித்துறை மற்றும் பெட்ரோலிய அமைச்சக அதிகாரிகள் ஓரிரு நாட்களில் ஆலோசனை நடத்தவுள்ளதாக தகவல்கள் கூறுகின்றன.

இந்த மாத இறுதியில், வரி குறைப்பு குறித்த அறிவிப்பு வரலாம் என எதிர்பார்க்கப்படுகிறது. உற்பத்தி வரியை குறைப்பதன் மூலம், பெட்ரோல், டீசல் விலை லிட்டருக்கு 2 ரூபாய் வரை குறைய வாய்ப்புள்ளது.

சென்னையில் பெட்ரோல்,டீசல் விலை:

சென்னையில் ஒரு லிட்டர் பெட்ரோல் விலை 35 காசு உயர்ந்து ரூ.79.13 ஆக நிர்ணயிக்கப்பட்டு விற்பனை செய்யப்படுகிறது. சென்னையில் ஒரு லிட்டர் டீசல் விலை 28 காசு உயர்ந்து ரூ.71.32 ஆக நிர்ணயிக்கப்பட்டுள்ளது.இன்று காலை 6 மணி முதல் இந்த விலை அமலுக்கு வந்தது.

மேலும் செய்திகளுக்கு தினச்சுவடுடன் இணைந்திருங்கள்.